Шинжлэх ухаан, технологи, инновац дэмжигч

​ШУА-ийн ээлжит Их чуулганаар “ШУА-ийн эрдэм шинжилгээ, үйл ажиллагааны 2023 оны тайлан”-г хэлэлцэж байна

Timesmn@gmail.com
2024/02/08

Монгол Улсын Шинжлэх Ухааны Академи (ШУА), харьяа 16 хүрээлэн болон салбарын 14 хүрээлэн, төв 2023 онд хийж гүйцэтгэсэн эрдэм шинжилгээ, үйл ажиллагааны талаарх тайлангаа ирүүлснийг энэхүү тайланд тусган хэлэлцэж байна.
ШУА нь өөрийн үйл ажиллагаагаа Монгол Улсын Шинжлэх Ухааны Академийн эрхзүйн байдлын тухай хууль, Шинжлэх ухаан технологийн тухай хууль, Монгол Улсын Шинжлэх Ухааны Академийн дүрэм болон бусад хууль тогтоомжийн хүрээнд явуулж ирлээ.
Монгол Улсын Ерөнхийлөгчийн дэвшүүлсэн санал, санаачилгууд, Засгийн газрын бодлого, үйл ажиллагааны төсөл, хөтөлбөрүүдийг үр дүнтэй хэрэгжүүлэхэд шинжлэх ухаан, технологи, инновац шийдвэрлэх үүрэгтэйг тал талдаа ойлгож, хамтран ажиллах боломжийг эрэлхийлэн,
мэдлэг мэдээлэл, арга туршлагаа солилцон төр, хувийн хэвшлийн байгууллагууд бүтээлчээр
хамтран ажиллаж байна.
Монгол Улсын Ерөнхий сайд шинжлэх ухааны салбарын төлөөлөлтэй уулзалт хийж, улмаар
Засгийн газрын хуралдааны тэмдэглэлд 6 багц асуудлыг шийдвэрлэх талаар холбогдох
байгууллага, албан тушаалтнуудад үүрэг, чиглэл өгч, эрчимтэй хэрэгжиж эхэлсэнд шинжлэх
ухаан, технологийн салбарынхан бид талархалтай байна. Тухайлбал:
• Шинжлэх ухаан, технологи, инновацын тогтолцоог хөгжүүлэх дунд хугацааны бодлогыг
тодорхойлох чиг үүрэг бүхий Үндэсний шинжлэх ухаан, технологийн бодлогын хороо
байгуулагдан ажиллаж эхэллээ.
• Монгол Улсын Засгийн газрын 241 дүгээр тогтоолоор шинжлэх ухааны байгууллагын
төрийн үйлчилгээний албан тушаалын цалингийн доод хэмжээг шинэчлэн тогтоосноор
эрдэм шинжилгээний ажилтны цалин дунджаар 46 хувиар нэмэгдлээ.
• Эрдэм шинжилгээний байгууллага үндсэн үйл ажиллагааныхаа хүрээнд улсын төсвийн хөрөнгөөр гүйцэтгэх судалгаа шинжилгээ, зөвлөх үйлчилгээний чиглэлээр төрийн болон орон нутгийн хөрөнгөөр бараа, ажил, үйлчилгээ худалдан авах ажиллагаанд оролцох
боломжтой боллоо.
• Эрдэм шинжилгээний ажилтнууд хээрийн судалгааны томилолтоор орон нутагт ажиллах
нөхцөлийг сайжруулах зорилгоор автомашинаар хангах боломжийг судалж, шийдвэрлэхээр боллоо.
• Олон улсын стандартад нийцсэн нээлттэй, салбар дундын төрөлжсөн лаборатори,
технологи дамжуулах төв бүхий “Шинжлэх ухааны хүрээлэнгүүдийн нэгдсэн
цогцолбор”-ын бүтээн байгуулалтын ажлыг эрчимжүүллээ.
• Монгол Улсын шинжлэх ухаан, технологийн салбарын жилийн үйл ажиллагааны нэгдсэн
тайлан, дүгнэлт, зөвлөмж гаргаж Засгийн газарт танилцуулж байх үүрэг өгөгдсөн зэрэг нь манай салбарынхны итгэл найдварыг бадрааж, урам зоригийг сэргээсэн үйл явдал болсон
билээ.
ШУА нь дэлхийн жишиг, дотоодын онцлогт нийцүүлэн салбарын эрхзүйн орчныг
сайжруулах, эрдэм шинжилгээний байгууллагуудын бүтэц зохион байгуулалтыг боловсронгуй болгох, судалгаа, шинжилгээний ажлын зорилт, гарах үр дүнг үндэсний хэмжээний томоохон төсөл, хөтөлбөрүүдтэй уялдуулах, салбарын санхүүжилтийн механизмыг сайжруулах, гадаад харилцааг өргөжүүлэх замаар хөрөнгө оруулалтыг нэмэгдүүлэх, боловсон хүчин бэлтгэх, чадваржуулах зэрэг асуудалд анхаарч ажиллав.
Монгол Улсын Шинжлэх Ухааны Академийн ерөнхийлөгч, академич Д.Рэгдэл Боловсрол,
шинжлэх ухааны сайд Л.Энх-Амгалантай 10 зорилт, 53 арга хэмжээ бүхий үр дүнгийн гэрээ
байгуулан, хэрэгжилтийг хангаж ажилласан ба ШУА-ийн Их чуулган, Тэргүүлэгчдийн хурал,
салбарын бага чуулган, төрөлжсөн академиудын үйл ажиллагааны ажил хэрэгч чанар дээшилж,
тодорхой асуудлуудыг тухай бүр хэлэлцэн, шийдвэрлэж ирлээ.
ШУА-ийн дотоод, гадаад хамтын харилцаа өргөжин тэлж, судалгаа хөгжүүлэлтийн ажил
далайцтай өрнөн эрдэм судлалын олон арван томоохон бүтээлийг оюуны эргэлтэд оруулж,
нийтийн хүртээл болголоо. Монгол Улсын ШУА нь Олон улсын Шинжлэх ухааны байгууллагуудын холбоо (ANSO)-ны удирдах дээд байгууллагын гишүүнээр сонгогдлоо.
ШУА-ийн эрдэм шинжилгээ, үйл ажиллагааны жил бүрийн тайланг Их чуулганаар хэлэлцүүлж, академийн гишүүдийн гаргасан саналыг тусган Монгол Улсын Их Хурал (УИХ), УИХ-ын холбогдох Байнгын хороо, Засгийн газрын гишүүдэд хүргүүлдэг уламжлалын дагуу бэлтгэсэн тайлангаа ийнхүү танилцуулж байна.
Энэ онд манай эрдэмтэн, судлаачдын бүтээлч, санаачилгатай үйл ажиллагаа нь амжилт,
ололтоор дүүрэн байж, дэлхийн түвшний чансаатай олон арван бүтээл туурвин, эх орныхоо
хөгжил дэвшилд хувь нэмэр оруулахуйц шинэ мэдлэг бүтээж, технологи, инновацын дорвитой
шийдлүүд гарган ажилласныг тэмдэглэхэд таатай байна.



0
angry
0
care
0
haha
0
liked
0
love
3
sad
0
wow

Шинэ мэдээ
Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол 2026/11/20
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролц… 2026/11/20
Дөрвөн чиглэлд шөнийн автобус иргэдэд үйлчилж байна 2026/11/19
Хуулийн төсөл: Хаврын морин уралдааныг зөвшөөрнө, зөвшөөрөхгүй 2026/11/19
Монгол Улсын Ерөнхий сайд Н.Учрал цаг үеийн асуудлаар мэдэгдэл хийж ба… 2026/11/18
Ирэх жил 16,000-25,000 айл өрхийг орон сууцанд оруулна 2026/11/18
Ерөнхийлөгч У.Хүрэлсүх үүрэгт ажлаа өгөөд хүлээлгэж өгнө 2026/11/17
#ШУУД Ерөнхийлөгч У.Хүрэлсүх: Энэ бүх гүтгэлэг худал болохыг нотлохын … 2026/11/17
Төсвийн хуулийн онцлох заалтууд 2026/11/17
Ерөнхий сайд Н.Учрал: 562,000 хүний тэтгэвэр 10 хувь нэмэгдэнэ 2026/11/16
Грекийн бурхад Ноён уулд, Хүннүгийн өв Миланд 2026/11/16
“Эрдэнэс Тавантолгой” ХК-ийн Нүүрс баяжуулах үйлдвэр нь 10 сая тн хүчи… 2026/11/13
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диа… 2026/11/13
“Comeup 2026” олон улсын арга хэмжээнд Монгол Улсыг төлөөлөн оролцох ш… 2026/11/12
Н.Учрал: Оюу Толгойн ногдол ашгийг иргэдийн дансанд шилжүүлэх эсэх асу… 2026/11/12
ДУЛААН ГАРААШИЙГ ТАТВАРААС ЧӨЛӨӨЛӨХ ХУУЛИЙН ТӨСЛИЙГ ЗАСГИЙН ГАЗАР ДЭМЖ… 2026/11/11
Хүннү хотын дэд бүтцийн бүтээн байгуулалтууд үргэлжилж байна 2026/11/11
"Шинэ цагийн малчин” хөтөлбөр эхэллээ 2026/11/11
"Чингис хаан” тэргүүн зэргийн одонг Шинжлэх ухааны академид хүртээнэ 2026/11/09
Шүтээн зураач, лам Т. Дүгэрийн “Жийдаан богдын увдис” үзэсгэлэнд Жийда… 2026/11/09