ХУД-ийн ЕБС-ийн сурагчдад “Цахим орчны хэрэглээ, цахим гэмт хэрэг”-ээс урьдчилан сэргийлэх чиглэлээр нөлөөллийн сургалт зохион байгууллаа

 2025 оны 3 дугаар сарын 14-ний өдөр ерөнхий боловсролын 18 дугаар сургуулийн ахлах ангийн 80 гаруй сурагчдад Хан-Уул дүүргийн иргэдийн Төлөөлөгчдийн Хурлын Гэмт хэргээс урьдчилан сэргийлэх ажлыг зохицуулах салбар зөвлөл, Цагдаагийн газар, Хүүхэд, гэр бүлийн хөгжил, хамгааллын хэлтэстэй хамтран цахим гэмт хэрэг, хорт зуршлуудын хор уршиг, үе тэнгийн дээрэлхэлт, гэмт хэргээс өөрийгөө болон бусдыг хэрхэн хамгаалах талаар зөвлөмж, мэдээллийг өгч, асуусан асуултад хариулан чөлөөт ярилцлага хийлээ.

Тус сургалтыг дүүргийн нутаг дэвсгэр дэх ерөнхий боловсролын сургуулиудын ахлах ангийн сурагчдад мэргэжлийн чиг үүргийн байгууллагатай хамтран үе шаттай зохион байгуулна.

ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛ