Замын хөдөлгөөнд соёлтой боловсон оролцохыг уриалж байна

Баянгол дүүргийн Тээврийн цагдаагийн хэлтэс болон Гэмт хэргээс урьдчилан сэргийлэх салбар зөвлөлөөс бүх нийтийг хамарсан баярын өдрүүдэд замын хөдөлгөөний аюулгүй байдлыг хангах зорилгоор өргөтгөсөн бүрэлдэхүүнтэй нэгдсэн хяналт, шалгалтын ажлыг өнөөдрөөс эхлүүллээ.  

Жолооч та бүхэн тээврийн хэрэгсэл жолоодох үедээ хүний амь нас, эрүүл мэнд, бусдын аюулгүй байдлыг нэн тэргүүнд тавьж, согтууруулах ундаа хэрэглэсэн бол замын хөдөлгөөнд оролцохгүй байхыг зөвлөж байна.  Өөрийн болон бусдын амь нас, эд хөрөнгийг эрсдэлд оруулахгүй байж, соёлтой, боловсон, хариуцлагатай хөдөлгөөнд оролцоно уу.