Үеэрт 32 айл автаж 2 хүн урссан байна

Нийслэлийн Сонгинорхайрхан дүүргийн 35 дугаар хороо үерийн эрсдэлтэй бүсэд багтдаг. Жил бүрийн өвөл энэ хавьд халиа тошин үүсэж, зун нь үер буудаг юм байна. Байгалийн аюулт үзэгдэлд байнга өртдөг 10 гаруй айл энд байдаг аж. Үерийн аман дээр буусан эдгээр айлыг нүүхийг шаарддаг ч нүүдэггүй гэнэ.

Тэд өчигдөр дахин үерт өртжээ. Энэ хавь буюу Нарангийн голд өчигдөр үер бууж, 2, 20, 35 дугаар хорооны 32 айл усанд автан, 2 хүн урссан юм.

Сонгинохайрхан дүүргийн ЗДТГ, Газрын албаны ажилтнууд өнөөдөр 35 дугаар хороонд очиж, 33 айлыг яаралтай нүүлгэн, нөхөн олговор өгч, газрыг нь чөлөөлөхөөр ажиллаж байна. Үнэлгээний компани авчран, эдгээр айлын газар, байшинг үнэлүүлэн, нөхөн олговор олгохоор төлөвлөжээ.