Шинжлэх ухаан, технологи, инновац дэмжигч

Япон Улсын Цог Жавхлант Эзэн Хаан Нарүхито, Эрхэм дээд Хатан Масако нар Монгол Улсад анх удаа айлчилна

Timesmn@gmail.com
2025/01/31

Монгол Улсын Ерөнхийлөгч Ухнаагийн Хүрэлсүхийн урилгаар Япон Улсын 126 дахь Цог Жавхлант Эзэн Хаан Нарүхито, Эрхэм дээд Хатан Масако нар Монгол Улсад 2025 оны 07 дугаар сарын эхээр төрийн айлчлал хийхээр төлөвлөж байна.

Тус айлчлал нь Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын Монгол Улсад хийх анхны төрийн айлчлал юм.

Энэхүү төрийн айлчлал нь ардчиллын нийтлэг үнэт зүйлс бүхий Монгол Улс, Япон Улсын “Энх тайван, хөгжил цэцэглэлтийн төлөөх Тусгай стратегийн түншлэл”-ийг гүнзгийрүүлж, “хүн төвтэй” харилцаа, хамтын ажиллагааг бэхжүүлэхэд үнэтэй хувь нэмэр оруулах түүхэн ач холбогдолтой.

Монгол Улсын Ерөнхийлөгч У.Хүрэлсүх 2019 онд Ерөнхий сайд байхдаа Япон Улсын Цог Жавхлант Эзэн Хаан Нарүхито-г “Эзэн Хааны сэнтийд заларсныг тунхаглах төрийн ёслол”-д оролцож байсан.

Ерөнхийлөгч У.Хүрэлсүх гэргий Л.Болорцэцэгийн хамт Монгол Улс, Япон Улсын хооронд дипломат харилцаа тогтоосны 50 жилийн ойн хүрээнд 2022 онд тус улсад төрийн айлчлал хийж, Цог Жавхлант Эзэн Хаан Нарүхито, Эрхэм дээд Хатан Масако нарт бараалхсан.

Мөн “Эн-Эйч-Кэй” их танхимд Морин хуурын чуулгын хүндэтгэлийн тоглолтыг хамтдаа үзэж сонирхон элгэмсэг дотно, итгэмжилсэн харилцаагаа бэхжүүлсэн билээ.

Монгол Улсын Ерөнхийлөгч У.Хүрэлсүхийн энэхүү түүхэн айлчлалаар Монгол Улс, Япон Улсын харилцааг “Энх тайван, хөгжил цэцэглэлтийн төлөөх Тусгай стратегийн түншлэлийн түвшин”-д шат ахиулан, Улс төр, аюулгүй байдал, Эдийн засаг, худалдаа, хөрөнгө оруулалтын хамтын ажиллагаа, “Хүн төвтэй” хөгжил, иргэд хоорондын харилцан солилцоо, Дэлхий нийтийг хамарсан нийтлэг асуудлаарх хамтын ажиллагаа гэсэн дөрвөн үндсэн чиглэлээр идэвхтэй хамтран ажиллахаар болсон юм.

Энэхүү айлчлалаар харилцаа, хамтын ажиллагааны ирэх 50 жилийн үндэс суурийг тодорхойлж, төрт ёсны эртний түүхтэй хоёр улсын найрсаг харилцааны тулгын чулуу болсон ард түмэн хоорондын найрамдал, нөхөрлөлийг бататган бэхжүүлсэн билээ.

Япон Улсын Цог Жавхлант Эзэн Хаан Нарүхито 2019 оны 05 дугаар сарын 01-ний өдөр Эзэн Хааны сэнтийд заларч, мөн өдрөөс Япон Улсад “Рэйва” он тоолол эхэлсэн.

Эзэн Хаан Нарүхито сэнтийдээ заларснаас хойш Эрхэм дээд Хатан Масакогийн хамт хоёр удаа гадаад улсад айлчлаад байна.


0
angry
0
care
0
haha
0
liked
0
love
0
sad
0
wow

Шинэ мэдээ
ТЭЦ-5 станц 340 Гкал дулаан, 300 МВт цахилгаан үйлдвэрлэнэ 45 минутын өмнө
6 НАСТНЫ НҮД, ШҮД, ЗҮРХНИЙ ЭМГЭГИЙН ЭРТ ИЛРҮҮЛГИЙН ҮЗЛЭГ ИРЭХ САРААС О… 23 цагийн өмнө
Туулын хурдны зам төслийн хүрээнд найман байршилд хоёр түвшний огтлолц… Өчигдөр
​ “ТЭРБУМ МОД” ҮНДЭСНИЙ ХӨДӨЛГӨӨНИЙ ХҮРЭЭНД САНАМЖ БИЧИГ БАЙГУУЛЛАА Өчигдөр
Тендерийн хуулийн шинэчилсэн найруулгийн төслийн хэлэлцүүлэг Өмнөговь … Өчигдөр
Засгийн газрын хуралдаанаас гаргасан шийдвэрийг танилцуулж байна Өчигдөр
Нийслэлийн аварга шалгаруулах “Монгол адуучин” тэмцээн Хүй 7 худагт бо… Өчигдөр
Гишүүд цагдааг байцааж хуулиа “гишгэв” үү?! 2025/03/26
Улаанбаатар трамвай төслийн ТЭЗҮ-ийг дөрөвдүгээр сард дуусгана 2025/03/26
“Морин хуурын үүсэл, хөгжил, өв соёл” сэдэвт эрдэм шинжилгээний бага х… 2025/03/25
Чингэлтэй дүүргийн 17 дугаар хорооны цогцолбор барилгыг ашиглалтад ору… 2025/03/25
Шар өвс, хог хаягдлыг шатаахгүй байхыг анхааруулж байна 2025/03/25
Шар усны үерээс сэргийлж, шаардлагатай байршлуудад суваг татаж, далан … 2025/03/25
Д.Даваабаяр: “Хакатон 2025 бол шинэ үеийн залуусын хүчээр хүнсний салб… 2025/03/25
2024 ОНД СҮРЬЕЭГИЙН 3000 ГАРУЙ ТОХИОЛДОЛ БҮРТГЭГДЖЭЭ 2025/03/24
Нийтийн ахуйн үйлчилгээний төв”-ийг ирэх сард улсын комисст хүлээлгэн … 2025/03/24
Бүх нийтийн их цэвэрлэгээгээр 800 тонн хог хаягдлыг цэвэрлэлээ 2025/03/24
Т.Доржханд: Эрчим хүчний реформыг хийж дуусгах нь миний үүрэг 2025/03/24
“МӨСТӨЛ, МӨСӨН ГОЛЫГ ХАМГААЛЪЯ” 2025/03/21
Монгол Улсын Ерөнхийлөгч У.Хүрэлсүх "Цэнхэр алт" үндэсний хоёрдугаар ч… 2025/03/21