TOURISM EXPO JAPAN 2024 олон улсын үзэсгэлэнд оролцож байна

Үндэсний агаарын тээвэрлэгч МИАТ ТӨХК Япон улсын Токио хотноо зохион байгуулагдаж буй TOURISM EXPO JAPAN 2024 олон улсын үзэсгэлэнд оролцож байна. Уг үзэсгэлэн нь 2014 оноос хойш жил бүр зохион байгуулагдаж байгаа бөгөөд дэлхийн хэмжээний томоохон үзэсгэлэн яармагуудын нэг юм.

Дэлхийн 150 гаруй орны аялал жуулчлалын салбарын төлөөллүүд нэгэн дээвэр дор чуулж буй уг үзэсгэлэнд МИАТ ТӨХК Япон болон бусад улс орнуудаас манай улс руу чиглэсэн зорчигч урсгалыг нэмэгдүүлэх, Монгол улсынхаа аялал жуулчлалын салбарыг хурдацтай хөгжүүлэхэд бодитой хувь нэмэр оруулах зорилгоор орон нутгийн болон олон улсын нислэгийн үнэ тариф, нислэгийн давтамж зэрэг аялагчдад нэн тэргүүний шаардлагатай мэдээллийг хүргэн ажиллаж байна.