Шинжлэх ухаан, технологи, инновац дэмжигч

“Шар дарцаг” аянд идэвхтэй оролцохыг уриалж байна

Timesmn@gmail.com
2024/10/17

Замын хөдөлгөөнд оролцогчийн аюулгүй байдлыг хангах, хүүхдийг гэмт хэрэг, зөрчилд өртөхөөс урьдчилан сэргийлэх зорилгоор Нийслэлийн Засаг даргын Тамгын газраас санаачлан “Шар дарцаг” аяныг 4 дэх жилдээ зохион байгуулж байна.

ТЦА-ны Урьдчилан сэргийлэх хэлтсийн ахлах мэргэжилтэн, цагдаагийн хошууч Г.Отгонтамир “Нийслэлийн Засаг даргын захирамжаар “Шар дарцаг” аяныг нэг сарын хугацаанд зохион байгуулна. Үзэгдэх орчин хангалтгүй үед ялангуяа шөнө оройн цагаар жолооч нар шар дарцгийн гэрэл ойлгогчийг 100-150 метрийн цаанаас хараад, хурдаа сааруулж, аюулгүй байдлыг хангадаг. “Шар дарцаг” аяныг 4 дэх жилдээ зохион байгуулахад тодорхой үр дүнгүүд гарч байгаа. Энэ удаагийн аяны хүрээнд НЗДТГ, нийслэлийн Боловрсолын газартай хамтран нийслэлийн 315 ерөнхий боловсролын сургууль, 656 цэцэрлэгт нөлөөллийн ажил сургалт зохион байгуулна. Энэ оны эхний 9 сарын байдлаар Улаанбаатар хотод 669 хүүхэд өртсөн осол бүртгэгдэж, ослын улмаас 728 хүүхэд гэмтсэн. Эдгээрийн дийлэнх явган зорчигчоор хөдөлгөөнд оролцдог. Гэр сургууль, хороолол дотор тоглож байгаад гэмтэх тохиолдол зонхилж байна. Өнгөрсөн есдүгээр сарын 1-нээс өнөөдрийн байдлаар сургууль орчмын бүсэд 11 хүүхэд авто осолд өртсөн зам тээврийн ослын дуудлага мэдээлэл цагдаагийн байгууллагад бүртгэгдсэн. Улмаар 7-15 насны 9 хүүхэд явган зорчигчоор хөдөлгөөнд оролцож байгаад гэмтэж бэртжээ. Тиймээс сургууль, цэцэрлэг орчмын бүсээр зорчиж байгаа жолооч нар, эцэг эх, иргэд анхаарал болгоомжтой байж, “Шар дарцаг” аянд нэгдэхийг уриалж байна. Шар дарцаг барьж явж буй хүүхэд, иргэдэд зам тавьж өгч, хариуцлагатай жолооч байгаарай” хэмээн уриаллаа.

"Шар дарцаг” аяныг 2021, 2022 онд “Анхааралтай байвал аюул үгүй”, 2023 онд “Хамтдаа зам тээврийн ослоос урьдчилан сэргийлье” уриатайгаар цэцэрлэг, ерөнхий боловсролын сургуулийн суралцагч нарт, 2024 онд “Хариуцлагатай жолооч” уриатайгаар хүүхэд, эцэг эх, жолооч нарт хандан зохион байгуулж байна.

Замын хөдөлгөөнд оролцогч жолооч болон хүүхдүүдийг зам тээврийн осолд өртөхөөс урьдчилан сэргийлэх, тэдэнд зөв дадал хэвшил бий болгоход эцэг, эх, асран хамгаалагч, иргэд, төрийн болон төрийн бус байгууллагын оролцоо, хариуцлага, хамтын ажиллагаа чухал юм.

Нэгдсэн Үндэсний Байгууллагаас 2021-2030 онд зам тээврийн ослын улмаас гарч буй нас баралтыг 50 хувиар бууруулах зорилт тавьсан бөгөөд манай орны хувьд зам тээврийн ослоос урьдчилан сэргийлэх, замын хөдөлгөөний соёлыг төлөвшүүлэх, эрүүгийн хариуцлагыг чангатгах зэрэг тодорхой арга хэмжээг авч хэрэгжүүлж байгаа билээ.

       НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС



0
angry
0
care
0
haha
0
liked
0
love
0
sad
0
wow

Шинэ мэдээ
Монгол Улсын Ерөнхийлөгч У.Хүрэлсүх Бүгд Найрамдах Энэтхэг Улсад төрий… 23 цагийн өмнө
Г.Ялалт: Хугацаат цэргийн алба хаагчдад мэргэжил эзэмшүүлнэ Өчигдөр
"Татар" уран сайхны кино "Улаанбаатар" олон улсын кино наадмаас 2 цом … 2025/10/09
Н.Оюунбат: Манай яс боловсруулах үйлдвэр бол байгаль дэлхийгээ хайрлас… 2025/10/08
Багш нар баярын өдрөөрөө ээлжит тэмцлээ өрнүүлэв 2025/10/06
“Эрдэнэс Тавантолгой” ХК есдүгээр сард 3.2 сая тонн нүүрс экспортолж р… 2025/10/04
Канад Улсын Элчин сайд Итгэмжлэх жуух бичгээ өргөн барилаа 2025/10/03
ЭРҮҮЛ МЭНДИЙГ ДЭМЖИХ САН ЭРҮҮЛ МЭНДИЙН ТӨЛӨӨ ЗАРЦУУЛАГДДАГ УУ? 2025/10/01
Монгол хаан” жүжгийн уран бүтээлчид Японд эх орноо сурталчиллаа 2025/09/30
Эмээлт аж үйлдвэрийн паркийг цахилгаан, дулаанаар хангах 24 мвт-ын дул… 2025/09/30
​ Шилдэг баримтат киноны шагнал хүртлээ 2025/09/29
МАН-ын бага хурал: Намын Их хурлыг 11 дүгээр сарын 15-16-нд товлов 2025/09/29
Дэнжийн мянга орчимд 93 МВт хийн дулааны станцын барилгын ажлыг ирэх о… 2025/09/26
Х.Булгантуяа: Улс төр, намын зодооноо төрийн ажилруу хутгах нь буруу 2025/09/25
Яармагийн замаас Нисэхийн тууш замтай холбогдох 10.8 км зам шинээр бар… 2025/09/25
Монгол Улсын Ерөнхийлөгч У.Хүрэлсүх НҮБ-ын Ерөнхий Ассамблейн 80 дугаа… 2025/09/24
34 улсад хориглож, 87 улсад хязгаарласан, Монголд "зохицуулалтгүй" эле… 2025/09/24
“Хүннү 2222”, “Хан хиллс” хотхоныг холбох явган хүний зам болон автоза… 2025/09/22
Ухаалаг тоолуур үр дүнгээ өгсөн үү? 2025/09/19
Зорчигчдын анхааралд 2025/09/18