МАН дэлхийн топ 100-д багтах шилдэг сургууль төгссөн 2 залууг нэр дэвшүүллээ

МАН 2024 оны Улсын Их хурлын сонгуульд жагсаалтандаа боловсрол өндөртэй залуусыг багтааж, парламентад оруулж ирсэн. Олонх нь улс төрийн туршлага багатай ч дэлхийн шилдэг сургуулиудад суралцаж төгссөн, салбартаа нэр хүндтэй залуусыг сонгон нэр дэвшүүлсэн нь шинэлэг байв. Тэгвэл энэ жишиг НИТХ-ын сонгуульд давтагдлаа.

 
Улс төрийн нам эвслээс аймаг, нийслэл, сум, дүүргийн иргэдийн төлөөлөгчдийн хурлын сонгуульд оролцох нэр дэвшигчдээ саяхан зарлаад буй. Нийслэлийн Монгол Ардын намын хорооноос зарласан нэр дэвшигчдээс дараах залуус боловсролоороо тэргүүлж байна. Дэлхийн топ 100 -д багтах шилдэг сургууль төгссөн хоёр нэр дэвшигч байна. Нэг нь НИТХ-ын сонгуулийн 7-р тойрогт буюу Сүхбаатар дүүрэгт нэр дэвшиж байгаа Б.Дөлгөөн, нөгөөх нь НИТХ-ын сонгуулийн 8-р тойрогт буюу Хан-Уул дүүрэгт нэр дэвшигч А.Амартүвшин.

НИТХ-ын сонгуулийн 7-р тойрогт буюу Сүхбаатар дүүрэгт нэр дэвшиж байгаа Б.Дөлгөөн нь Дэлхийн топ 100 сургуулийн 4 -рт ордог Харвардын Их сургуульд магистрын зэрэг хамгаалсан байна. Үндэсний хөгжлийн газрын дэд дарга байсан тэрээр Дэлхийн банкны төсөлд ажилласан туршлагатай. 

НИТХ-ын сонгуулийн 8-р тойрогт буюу Хан-Уул дүүрэгт нэр дэвшигч А.Амартүвшин Дэлхийн топ 100 сургуулийн 37-рт эрэмбэлэгддэг Австралийн Монашийн их сургуулийг гадаад харилцаа, эрхзүйгээр төгсч, үргэлжлүүлэн суралцаад магистрын зэрэг хамгаалжээ. Тэрээр Улсын Их хурлын Тамгын газрын захиргааны хэлтэст зохион байгуулагчаас эхлэн Монгол Улсаас БНБУ-д суугаа Элчин сайдын яаманд гуравдугаар нарийн бичгийн даргын алба хүртэл дэвшин ажилласан мэргэшсэн дипломатч. Харин 2016 онд мэргэжлээсээ тэс өөр сонголт хийн Хан-Уул дүүргийн Засаг даргын орлогчийн албан тушаалд томилогдон ажилласан чадварлаг боловсон хүчин.
МАН ийм залуусын туршлага, мэдлэгийг хотын бодлогыг тодорхойлох, ирэх дөрвөн жилд хотын олон асуудлыг шийдэхэд ашиглахаар шийджээ.
Х.Тамир