Жасулан Копберген удахгүй Монгол улсад хүрэлцэн ирэх гэж байна

Казахстаны кино урлаг болон хөгжмийн салбарын гол төлөөлөгчдийн нэг, нэрт жүжигчин бөгөөд дуучин Жасулан Копберген (Zhasulan Kopbergen) удахгүй Монгол улсад хүрэлцэн ирэх гэж байна

Тэрээр бага насандаа «Balapan» сувгийн «Санжар мен Қайсар» олон ангит кинонд гол дүр бүтээж, Төв Азийн сая сая хүүхэд, залуусын хайртай жүжигчин болж карьераа эхлүүлсэн түүхтэй. Өдгөө тэрээр зөвхөн Казахстандаа төдийгүй олон улсад танигдсан чадварлаг уран бүтээлч болсон.

Жасулан Копберген нь комеди, драм, тулаант гээд бүхий л төрлийн жанрт хөрвөх чадвартай жүжигчин юм. Түүний тоглосон 7 причин влюбиться (2026), Рестарт (2025), Привет, папа (2024-2025), Ерекше (2026) зэрэг бүрэн хэмжээний кинонууд нь Төв Азийн кино платформуудад өндөр үнэлгээ авч, үзэгчдийг байлдан дагуулж байна. Мөн тэрээр Казахстаны домогт жүжигчин Асанали Ашимовтой хамтран Аруах хэмээх сод бүтээлд гол дүр бүтээж, мэргэжлийн өндөр түвшний жүжигчин гэдгээ баталсан юм.

Тэрээр жүжигчнээс гадна поп хөгжмийн салбарт өөрийн гэсэн орон зайг бүтээсэн дуучин билээ. Түүний дуулсан Жалғыз жұлдыз, TAU, Сен үшін зэрэг бүтээлүүд нь Spotify болон Apple Music-ийн чартуудыг тэргүүлж, сошиал орчинд тренд болоод байна. Түүнчлэн тэрээр баян (аккордеон) хөгжмийг мэргэжлийн түвшинд тоглодог онцгой авьяастай