Шинжлэх ухаан, технологи, инновац дэмжигч

Монголд технологи нэвтэрснээр цахим залилангийн гэмт хэрэг шинээр бүртгэгдэж эхэлжээ

Timesmn@gmail.com
2026/09/15

“Зууны мэдээ” сонинд одоогоос 10 жилийн өмнөх энэ өдөр сэтгүүлч Б.Энхзаяагийн “Соном өвгөний хулганууд буюу цахим картны луйвар” гэх нийтлэл нийтлэгдэж байжээ. Тус нийтлэлд одоо газар аваад буй цахим залилангийн талаар сонирхолтойгоор мэдээлсэн бөгөөд тухайн үед цахим залилан гэх зүйл “шинэ төрлийн гэмт хэрэг байжээ. Түүнчлэн хилийн чанадаас цахимаар луйвар залилан үйлдэж эхэлсэн энэ төрлийн гэмт хэргийг өнөөдөр монголчууд үйлдэж байна.

“Соном өвгөний хулганууд буюу цахим картны луйвар” нийтлэлд “Хүргэн хүү”-гийн Соном өвгөний үе өнгөрч, монголчууд хэдэн бор төгрөгөө банкинд хадгалуулдаг баатар болтол нөгөө муу хулгана чинь бүр төрөл арилжаад амилчихаж. Хадгалуулсан хэдийг маань хилийн цаанаас сорчихдог сүлжээ бий болоод дээр, доргүй сандаргаж байна. Бэлэн мөнгөтэй явбал бусдад суйлуулж, дээрэмдүүлээд горьгүй. Мэддэг, мэддэггүй ч хамаагүй арилжааны банкинд хадгалуулчихаад карттай болчихсон нь хамаагүй дээр. Картаараа хоол хүнс, бараа таваар худалдаж аваад, татвар үйлчилгээг ч хаа газраас хийдэг болчихсон.

Хаа холын баруун аймаг руу ээж, аавдаа хэдэн төгрөг явуулах гэж банкинд дугаарлах шаардлагагүй. Интернэтээр хэдэн тоо, нууц үг оруулаад бүх зүйл ок. Арилжааны банкны эдгээр үйлчилгээ цаг зав, мөнгө төгрөг хэмнээд их тааламжтай байсансан. Гэтэл саяхнаас харилцагчдын хадгалуулсан мөнгийг хаанаас ч хамаагүй хулгайлдаг гэмт хэрэг цагдаагийн байгууллагад бүртгэгдэх болжээ. Бүртгэлийн дугаар нэмэгдсээр, хохирогч нь бүр 480-д хүрээд байгаа аж. Тэдний нийт хохирол нь 120 гаруй сая төгрөг гэнэ. Энэ хэрэгт БНХАУ-ын хоёр иргэнийг сэжиглэн шалгаж байгаа тухай ЦЕГ-ын Хэвлэл мэдээллийн төвийн дарга Б.Батхүү ярив. Сэжигтнүүд хилийн чанадаас хуурамч карт ашиглан Монгол Улсын арилжааны банкнуудын харилцагчийн дансыг ухаж, төнхсөн бололтой. Шинэ төрлийн энэ гэмт хэргийн үндсэн шалтгааныг хуулийнхан харилцагчийн хариуцлагагүй байдалтай холбон тайлбарлаж байна” гэжээ.

Тухайн үед дээрх нийтлэлд дурдсанчлан “харилцагчдын хадгалуулсан мөнгийг хаанаас ч хамаагүй хулгайлдаг гэмт хэрэг шинээр Монгол Улсад бүртгэгдэж эхэлж байсан нь өнөөгийн “газар авсан” цахим гэмт хэргийн эхлэл байж. 

Ч.БЯМБАА

Эх сурвалж: “Зууны мэдээ” сонин

2026 ОНЫ ЕСДҮГЭЭР САРЫН 15. МЯГМАР ГАРАГ. № 173 (7915)


0
angry
0
care
0
haha
0
liked
0
love
0
sad
0
wow

Шинэ мэдээ
Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол 2026/11/20
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролц… 2026/11/20
Дөрвөн чиглэлд шөнийн автобус иргэдэд үйлчилж байна 2026/11/19
Хуулийн төсөл: Хаврын морин уралдааныг зөвшөөрнө, зөвшөөрөхгүй 2026/11/19
Монгол Улсын Ерөнхий сайд Н.Учрал цаг үеийн асуудлаар мэдэгдэл хийж ба… 2026/11/18
Ирэх жил 16,000-25,000 айл өрхийг орон сууцанд оруулна 2026/11/18
Ерөнхийлөгч У.Хүрэлсүх үүрэгт ажлаа өгөөд хүлээлгэж өгнө 2026/11/17
#ШУУД Ерөнхийлөгч У.Хүрэлсүх: Энэ бүх гүтгэлэг худал болохыг нотлохын … 2026/11/17
Төсвийн хуулийн онцлох заалтууд 2026/11/17
Ерөнхий сайд Н.Учрал: 562,000 хүний тэтгэвэр 10 хувь нэмэгдэнэ 2026/11/16
Грекийн бурхад Ноён уулд, Хүннүгийн өв Миланд 2026/11/16
“Эрдэнэс Тавантолгой” ХК-ийн Нүүрс баяжуулах үйлдвэр нь 10 сая тн хүчи… 2026/11/13
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диа… 2026/11/13
“Comeup 2026” олон улсын арга хэмжээнд Монгол Улсыг төлөөлөн оролцох ш… 2026/11/12
Н.Учрал: Оюу Толгойн ногдол ашгийг иргэдийн дансанд шилжүүлэх эсэх асу… 2026/11/12
ДУЛААН ГАРААШИЙГ ТАТВАРААС ЧӨЛӨӨЛӨХ ХУУЛИЙН ТӨСЛИЙГ ЗАСГИЙН ГАЗАР ДЭМЖ… 2026/11/11
Хүннү хотын дэд бүтцийн бүтээн байгуулалтууд үргэлжилж байна 2026/11/11
"Шинэ цагийн малчин” хөтөлбөр эхэллээ 2026/11/11
"Чингис хаан” тэргүүн зэргийн одонг Шинжлэх ухааны академид хүртээнэ 2026/11/09
Шүтээн зураач, лам Т. Дүгэрийн “Жийдаан богдын увдис” үзэсгэлэнд Жийда… 2026/11/09