Шинжлэх ухаан, технологи, инновац дэмжигч

УИХ-ын дэд дарга Х.Булгантуяа тэргүүтэй төлөөлөгчид Бүгд Найрамдах Узбекистан Улсын парламент Олий Мажилисын сенатын танхимын дарга Танзила Нарбаевад бараалхав

Timesmn@gmail.com
2025/04/09

Монгол Улсын Их Хурлын дэд дарга Х.Булгантуяа тэргүүтэй төлөөлөгчид Бүгд Найрамдах Узбекистан Улсын парламент Олий Мажилисын сенатын танхимын дарга Танзила Нарбаевад бараалхлаа.

Уулзалтын эхэнд Олий Мажилисын сенатын танхимын дарга Танзила Нарбаева, хүндэт зочдыг тавтай морилохыг уриад, Олон Улсын Парламентын Холбооны 150 дугаар Ассамблейд Монгол Улсын Их Хурлыг төлөөлөн оролцож буйд талархал илэрхийлэв. Тэрбээр, олон жилийн түүхтэй манай хоёр улсын найрсаг харилцаа нийгэм, цаг үеийн хөгжлийн өөрлчөлтөд улам бүр бэхжин, өргөжин тэлж буйг онцлон тэмлэглэв. Түүнчлэн өнгөрсөн оны 6 дугаар сард Монгол Улсын Ерөнхийлөгч У.Хүрэлсүхийн Бүгд Найрамдах Узбекистан Улсад хийсэн айлчлал нь хоёр улсын харилцааны түүхэнд шинэ хуудас нээсэн, онцлох үйл явдал болсныг тодотголоо.

Энэхүү айлчлалын үеэр Монгол Улсын Ерөнхийлөгчид бараалхаж, манай хоёр улсын харилцааны эрх зүйн таатай орчныг бэхжүүлж, хууль тогтоох дээд байгууллага хооронд харилцан айлчлал хэрэгжүүлэх, туршлага солилцох зэргээр нягт хамтран ажиллахаа илэрхийлсэн хэмээн Олий Мажилисын сенатын танхимын дарга Танзила Нарбаева дурдлаа. Мөн өнгөрсөн 10 дугаар сард болсон Олий Мажилисын ээлжит сонгуульд УИХ-ын гишүүн, Монгол-Узбекистаны бүлгийн дарга С.Эрдэнэбат тэргүүтэй төлөөлөгчид ажиглагчаар оролцсоныг тэмдэглээд, цаашид парламент хоорондын олон талт харилцааг идэвхжүүлснээр нийгэм, эдийн засгийн бусад салбарт хамтын ажиллагаа өргөжинө гэдэгт итгэлтэй байгаагаа илэрхийллээ.

УИХ-ын дэд дарга Х.Булгантуяа, Монгол Улсын Ерөнхийлөгчийн төрийн айлчлал амжилттай хэрэгжиж, Узбекистан улс дахь Элчин сайдын яам үүдээ нээсэн онцлох үйл явдлуудын араас хүрэлцэн ирж буйдаа баяртай байгаагаа илэрхийлээд, халуун дотно угтан авсанд талархал дэвшүүлэв. Тэрбээр үргэлжлүүлэн, өнгөрсөн 2024 онд манай хоёр улс парламентын сонгуулиа тус тус амжилттай зохион байгуулсныг тэмдэглээд, Монгол Улсын Үндсэн хуульд оруулсан нэмэлт, өөрчлөлтийн хүрээнд шинээр бүрдсэн 126 гишүүнтэй парламентад 32 эмэгтэй гишүүн сонгогдсоныг тодотголоо.

Түүнчлэн Олон Улсын Парламентын Холбооны 150 дугаар Ассамблей Ташкент хотноо амжилттай үргэлжилж, Узбекистан улс Төв Азийн орнуудаас Ассамблейг зохион байгуулж буй анхны улс болж буйд баяр хүргэлээ. Уг Ассамблейн үеэр бүс нутгийн болон олон улсын хамтын ажиллагаанд парламентуудын гүйцэтгэх үүрэг, хувь нэмрийг баталгаажуулж, хоорондын хэлхээ холбоог бэхжүүлэх, харилцан туршлага солилцоход чухал үр дүнтэй уулзалт хэлэлцүүлгүүд өрнөж байгааг тэмдэглэв. УИХ-ын дэд дарга Х.Булгантуяа, манай хоёр улсын худалдааны эргэлтийг нэмэгдүүлэх, тэр дундаа хөдөө аж ахуйн салбарт хамтын ажиллагааг эрчимжүүлэх боломж, санаачилгын хүрээнд холбогдох яам, агентлагийн төлөөлөлтэй санал солилцсон хэмээн дурдлаа. Цаашид өсөн нэмэгдэх эдийн засгийн өгөөж бүхий, харилцан ашигтай хамтын ажиллагааг онцлох салбаруудад эрчимжүүлснээр бүс нутгийн түншлэлийг бэхжүүлэх давуу талтайг талууд онцолсон юм.

Уулзалтын төгсгөлд УИХ-ын дэд дарга Х.Булгантуяа Олий Мажилисын сенатын танхимын дарга Танзила Нарбаеваг ирэх онд Монгол Улсад болох Азийн эмэгтэй парламентчдын чуулга уулзалтад оролцохыг урив. Энэ удаагийн уулзалтад УИХ-ын гишүүн О.Номинчимэг, Н.Наранбаатар, Б.Пунсалмаа, УИХ-ын Ерөнхий нарийн бичгийн дарга Б.Баасандорж болон Монгол Улсаас Бүгд Найрамдах Узбекистан Улсад суугаа Онц бөгөөд Бүрэн эрхт Элчин сайд Д.Батбаатар нар байлцав  хэмээн УИХ-ын Хэвлэл мэдээллийн газраас мэдээллээ.




0
angry
0
care
0
haha
0
liked
0
love
0
sad
0
wow

Шинэ мэдээ
Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол 2026/11/20
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролц… 2026/11/20
Дөрвөн чиглэлд шөнийн автобус иргэдэд үйлчилж байна 2026/11/19
Хуулийн төсөл: Хаврын морин уралдааныг зөвшөөрнө, зөвшөөрөхгүй 2026/11/19
Монгол Улсын Ерөнхий сайд Н.Учрал цаг үеийн асуудлаар мэдэгдэл хийж ба… 2026/11/18
Ирэх жил 16,000-25,000 айл өрхийг орон сууцанд оруулна 2026/11/18
Ерөнхийлөгч У.Хүрэлсүх үүрэгт ажлаа өгөөд хүлээлгэж өгнө 2026/11/17
#ШУУД Ерөнхийлөгч У.Хүрэлсүх: Энэ бүх гүтгэлэг худал болохыг нотлохын … 2026/11/17
Төсвийн хуулийн онцлох заалтууд 2026/11/17
Ерөнхий сайд Н.Учрал: 562,000 хүний тэтгэвэр 10 хувь нэмэгдэнэ 2026/11/16
Грекийн бурхад Ноён уулд, Хүннүгийн өв Миланд 2026/11/16
“Эрдэнэс Тавантолгой” ХК-ийн Нүүрс баяжуулах үйлдвэр нь 10 сая тн хүчи… 2026/11/13
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диа… 2026/11/13
“Comeup 2026” олон улсын арга хэмжээнд Монгол Улсыг төлөөлөн оролцох ш… 2026/11/12
Н.Учрал: Оюу Толгойн ногдол ашгийг иргэдийн дансанд шилжүүлэх эсэх асу… 2026/11/12
ДУЛААН ГАРААШИЙГ ТАТВАРААС ЧӨЛӨӨЛӨХ ХУУЛИЙН ТӨСЛИЙГ ЗАСГИЙН ГАЗАР ДЭМЖ… 2026/11/11
Хүннү хотын дэд бүтцийн бүтээн байгуулалтууд үргэлжилж байна 2026/11/11
"Шинэ цагийн малчин” хөтөлбөр эхэллээ 2026/11/11
"Чингис хаан” тэргүүн зэргийн одонг Шинжлэх ухааны академид хүртээнэ 2026/11/09
Шүтээн зураач, лам Т. Дүгэрийн “Жийдаан богдын увдис” үзэсгэлэнд Жийда… 2026/11/09