Шинжлэх ухаан, технологи, инновац дэмжигч

Бүсчлэн хөгжиж байгаа анхны дүүргүүд бол Сүхбаатар болон Чингэлтэй

Timesmn@gmail.com
2024/03/04

Монгол Улсын Ерөнхий сайд Л.Оюун-Эрдэнэ, Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг тэргүүтэй албаныхан Хайлааст орчмын бүсийн хөгжлийн асуудлаар Чингэлтэй дүүргийн төрийн албан хаагчидтай уулзлаа. Уулзалтад тус дүүргийн сургууль, цэцэрлэг, эмнэлэг, цагдаагийн байгууллагын төлөөлөл болон Хайлааст, Дэнжийн мянга орчмын найман хорооны Засаг дарга оролцсон юм. Хайлааст бүс нь Чингэлтэй дүүргийн нягтаршил ихтэй гэр хороолол бөгөөд долоон хороонд 45 мянган иргэн амьдарч байна.

Чингэлтэй дүүрэг нь 24 хороо, 8930 га газар нутаг, 37,246 өрх, 144,249 хүн амтай. Тус дүүргийн ерөнхий боловсролын 29 сургуульд 30,256 сурагч, 50 цэцэрлэгт 10,251 хүүхэд суралцаж байна. Дүүргийн хэмжээнд ногоон бүсийн төслийг хэрэгжүүлж, нийт 20 хороог камержуулжээ. Түүнчлэн төрийн үйлчилгээний байгууллагууд нэг дор нягтарсан байршилтай байгаагаас үүдсэн төвлөрлийг сааруулах зорилгоор Чингэлтэй дүүргийн захиргааны байрыг Дэнжийн мянга руу нүүлгэхээр төлөвлөж байгаа аж. Бүсчилсэн хөгжилд хувь нэмэр оруулах уг манлайллыг дэмжинэ гэдгээ Ерөнхий сайд Л.Оюун-Эрдэнэ илэрхийлсэн юм. Мөн бүсчлэн хөгжиж байгаа анхны дүүргүүд бол Сүхбаатар болон Чингэлтэй болохыг тэрбээр онцлов.

Монгол Улсын засаг захиргааны анхан шатны нэгж болох хороо нь иргэдэд хамгийн ойр ажиллаж, төрийн үйлчилгээг үзүүлдэг. Гэвч хорооны Засаг даргын эрх зүйн чадамж сул учраас иргэдийн асуудлыг дараагийн шатны байгууллагад уламжлахаас өөр зүйл хийж чадаггүйг уулзалтад ирсэн төлөөллүүд хэлж байлаа. Тиймээс хорооны Засаг даргын эрх зүйн чадамжийг нэмэгдүүлэх, хороодыг хөгжүүлэх, дэд төвүүдэд түшиглэх замаар хотыг хөгжүүлэх хэрэгтэй хэмээсэн юм. Мөн иргэдэд төрийн үйлчилгээг ойртуулах тул бүсчилсэн хөгжлийг дэмжиж буйгаа илэрхийлцгээв.

Засгийн газраас 2024 оныг “Бүсчилсэн хөгжлийг дэмжих жил” болгон зарласан. Энэ хүрээнд Улаанбаатар хотын бүсчилсэн хөгжлийн форумын урьдчилсан хэлэлцүүлгийг Баянзүрх, Сонгинохайрхан дүүрэгт хийгээд буй.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
0
liked
0
love
0
sad
0
wow

Шинэ мэдээ
Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол Өчигдөр
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролц… Өчигдөр
Дөрвөн чиглэлд шөнийн автобус иргэдэд үйлчилж байна 2026/11/19
Хуулийн төсөл: Хаврын морин уралдааныг зөвшөөрнө, зөвшөөрөхгүй 2026/11/19
Монгол Улсын Ерөнхий сайд Н.Учрал цаг үеийн асуудлаар мэдэгдэл хийж ба… 2026/11/18
Ирэх жил 16,000-25,000 айл өрхийг орон сууцанд оруулна 2026/11/18
Ерөнхийлөгч У.Хүрэлсүх үүрэгт ажлаа өгөөд хүлээлгэж өгнө 2026/11/17
#ШУУД Ерөнхийлөгч У.Хүрэлсүх: Энэ бүх гүтгэлэг худал болохыг нотлохын … 2026/11/17
Төсвийн хуулийн онцлох заалтууд 2026/11/17
Ерөнхий сайд Н.Учрал: 562,000 хүний тэтгэвэр 10 хувь нэмэгдэнэ 2026/11/16
Грекийн бурхад Ноён уулд, Хүннүгийн өв Миланд 2026/11/16
“Эрдэнэс Тавантолгой” ХК-ийн Нүүрс баяжуулах үйлдвэр нь 10 сая тн хүчи… 2026/11/13
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диа… 2026/11/13
“Comeup 2026” олон улсын арга хэмжээнд Монгол Улсыг төлөөлөн оролцох ш… 2026/11/12
Н.Учрал: Оюу Толгойн ногдол ашгийг иргэдийн дансанд шилжүүлэх эсэх асу… 2026/11/12
ДУЛААН ГАРААШИЙГ ТАТВАРААС ЧӨЛӨӨЛӨХ ХУУЛИЙН ТӨСЛИЙГ ЗАСГИЙН ГАЗАР ДЭМЖ… 2026/11/11
Хүннү хотын дэд бүтцийн бүтээн байгуулалтууд үргэлжилж байна 2026/11/11
"Шинэ цагийн малчин” хөтөлбөр эхэллээ 2026/11/11
"Чингис хаан” тэргүүн зэргийн одонг Шинжлэх ухааны академид хүртээнэ 2026/11/09
Шүтээн зураач, лам Т. Дүгэрийн “Жийдаан богдын увдис” үзэсгэлэнд Жийда… 2026/11/09