​ Хуруу шилний хурга, ишгийг өсгөн үржүүлж байна

ХААИС-ийн Мал эмнэлгийн сургуулийн лабораторид үхэр, адуу, хонь, ямааны өндгөвнөөс нь өндгөн эсийг соруулж аваад ин витро орчинд бойжуулж өөр малд шилжүүлэн суулгах мэс засал хийхийн зэрэгцээ хөврөлийн сан бүрдүүлэх ажлыг өргөжүүлсээр байна.

Монгол Улсад анх удаа
2018 онд анхны хуруу шилний 2 ихэр хурга гаргаж авсан
2021 онд анхны хуруу шилний ишиг гаргаж авсан бөгөөд одоогоор 10 гаруй хурга, ишгийг өсгөн үржүүлж байна.

Сүүлийн жилүүдэд энэхүү судлагааны ажлыг өргөжүүлж, шилмэл омгийн хурдан азарганы үр хөврөлийг хөлдөөх, фермүүдтэй хамтран үхэрт үр хөврөл шилжүүлэн суулгах мэс заслыг хийж байгаа аж.

Энэхүү технологийг нэвтрүүлэх нь олон талын ач холбогдолтой юм.
Богино хугацаанд ховордож байгаа мал амьтныг нөхөн үржүүлэх
Ашиг шим өндөртэй малыг өсгөн үржүүлэх
Үхсэн мал, амьтнаас ч өндгөн эсийг соруулан авч ин витро орчинд бойжуулаад хөгжлийг гүйцэнгүүт өөр малд шилжүүлэн суулгах
Амьд болон үхсэн малаас соруулж авсан өндгөн эсийг 6-7 хоног өсгөвөрлөөд нэг хэсгийг нь мал амьтанд шилжүүлэн суулгаад, нөгөө хэсгийг нь хөлдөөж хадгалан хөврөлийн сан бүрдүүлэх
Энэхүү үр хөврөлийг хөлдөөж хадгалаад 5,10 жилийн дараа буюу хэзээ ч ашиглах боломжтой.