Мөнгөлөг шагшуурга-2024 наадам амжилттай зохион байгуулагдлаа

Олон угсаатны өв соёлыг таниулан сурталчлах, түгээн дэлгэрүүлэх, үндэсний өв соёлоороо бахархаж, үзэсгэлэнт байгаль дэлхийгээ хайрлан хамгаалах, өвлийн аялал жуулчлал, нийтийн биеийн тамирыг хөгжүүлэх зорилготой "Мөнгөлөг шагшуурга-2024” цас мөсний баярт ЗАВХАН, ГОВЬ-АЛТАЙ, УВС, БАЯН-ӨЛГИЙ, ХОВД аймаг, Улаанбаатөр хот болон тив дэлхийн өнцөг булан бүрээс зочид төлөөглөгчид хүрэлцэн ирж, морилон саатаж сайхан наадлаа. 

 Хар-Ус нуурын мөсний баярын хүрээнд олон угсаатны өвөрмөц дүр төрх, амьдралын хэв маяг, ахуйн соёлыг хадгалж ирсэн хувцас, хэрэглэлийг сурталчлах өвлийн загварын наадам, Жангар тууль хайлах ёслол, адуучин тэмцээн, мөсөн сурын харваа, мөсөн шагайн харваа, морин чарга, морь, тэмээ, тэшүүрийн үйлчилгээ зэрэг, баруун таван аймгийн урлагийн мэндчилгээ, тоглоом наадгай гээд нийтийн биеийн тамирыг дэмжсэн, Монгол үндэстний ахуй соёлыг сурталчилсан өргөн сайхан наадам боллоо. МОНГОЛ үндэстний хамгийн үнэт зүйл ХЭЛ, СОЁЛ минь билээ. 

“Мөнгөлөг шагшуурга” цас, мөсний баяраар дамжуулан ирээдүй болсон үр хүүхдүүддээ байгаль дэлхийгээ хайрлан хамгаалах, хэл, соёл, өвгөд дээпсийнхээ уламжлалт арга ухаан, мэдлэг чадварыг бага балчраас нь сэтгэл зүрх, оюун санаанд нь суулган, эх дэлхий, уул усаа хайрлан хамгаалдаг зөв сэтггэлтэй зөвт үйлстэй иргэдийг бэлдэхэд үнэтэй хувь нэмрээ оруулж байгаа гэдэгт эргэлзэхгүй байна. УИХ-ын гишүүн, Боловсрол, соёл, шинжлэх ухаан, спортын байнгын хорооны дарга Б.Баярсайхан хүний хөгжлийн асуудлыг ямагт эн тэргүүнд тавьж, Байнгын хорооны эрхлэх асуудлын хүрээнд үндэсний спортын цаашдын амжилт болон өв соёлоо дэлгэрүүлэн, хөгжүүлэх, олон улсад сурталчлан таниулах арга хэмжээг харьяалах яамд, агентлагаараа дамжуулан Улсын Их Хурал болон Засгийн газарт та бүхний хүсэлт, цаашдын хөгжлийн зорилт, тулгамдаж буй асуудлыг уламжлан хүргэж, дэмжин ажиллах болно гэдгээ наадмын үеэр хэллээ.