Шинжлэх ухаан, технологи, инновац дэмжигч

“Оюутан цагдаа-2023” арга хэмжээний нээлт боллоо

Timesmn@gmail.com
2023/06/24

Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөл, Нийслэлийн Аялал жуулчлалын газар, Монголын Оюутны холбоо хамтран зохион байгуулдаг “Оюутан цагдаа-2023” арга хэмжээний нээлт боллоо. Арга хэмжээнд Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Б.Батбямба, Нийслэлийн Засаг даргын орлогч З.Төмөртөмөө, Цагдаагийн хурандаа Б.Оюутболд болон бусад албаны хүмүүс оролцлоо.

“Оюутан цагдаа” хөтөлбөр 2014 оноос хэрэгжиж эхэлсэн бөгөөд 8 удаагийн арга хэмжээний хүрээнд 700 орчим оюутан залуучууд хамрагджээ. Энэ жилийн тухайд Улаанбаатар хотын 21 их, дээд сургуулийн 150 оюутан цагдаа зуны туршид гадаадын жуулчдын аюулгүй байдал, гэмт хэрэг зөрчлөөс урьдчилан сэргийлэх ажил болон шаардлагатай мэдээ мэдээллээр хангаж ажиллана.

Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Б.Батбямба “Монгол Улсын Засгийн газраас 2023-2025 оныг “Монголд зочлох жил” болгон зарласан. Олон тулгуурт эдийн засагтай болох, дотоодын эдийн засгийг дэмжих үндсэн чиглэлийн нэг бол аялал жуулчлалын салбарыг хөгжүүлэх юм. Оюутан цагдааг ажиллуулж эхэлснээр Улаанбаатар хот болон орон нутагт аялал жуулчлалаар ирж байгаа гадаадын иргэд, жуулчид дэмжлэг туслалцаа, зөвлөгөө авч, аялал жуулчлалын үйл ажиллагаатай холбоотой газар, үйлчилгээний байршлын талаарх шаардлагатай мэдээллийг түргэн шуурхай авах ач холбогдолтой. Хөтөлбөрт хамрагдсанаар хууль, эрх зүйн мэдлэгтэй болох, хэлний мэдлэгээ сайжруулах зэрэг олон талын ач холбогдолтой. Энэ жилийн тухайд оюутан цагдаа нарын ажлыг хөнгөвчлөх үүднээс унадаг дугуй, цахилгаан скүүтерээр хангаж ажиллаж байна” гэлээ.

Цагдаагийн хурандаа Б.Оюутболд “2022, 2023 онд “Оюутан цагдаа” хөтөлбөрийг Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөлөөс хөрөнгө оруулалтыг шийдвэрлэж, оюутан цагдаа нарыг ая тухтай ажиллах нөхцөл боломжоор ханган ажиллаж байна. Манай улсад өдөрт дунджаар 2400 орчим жуулчин ирж байна.  Иймд оюутан цагдаа нарт жуулчдыг хэрэгцээт мэдээллээр хангах, өв соёлоо сурталчлах чиглэлээр сургалт орсон. Нийслэлийн Сүхбаатар, Чингэлтэй дүүрэгт жуулчид ихээр ирдэг учраас энэ хэсэгт голчлон ажиллана. Мөн үндэсний их баяр, наадам, нүүдэлчин фестиваль, Хүрээ цам, Даншиг наадам зэрэг үйл ажиллагаанд оюутан цагдаа нарыг татан оролцуулна” гэв.

“Оюутан цагдаа-2023” арга хэмжээг 2 сарын хугацаанд үргэлжлэх бөгөөд өдөрт 4 цагаар эргүүлийн үүрэг гүйцэтгэх аж.



0
angry
0
care
0
haha
0
liked
0
love
0
sad
0
wow

Шинэ мэдээ
Монгол Улсын Ерөнхийлөгч Ухнаагийн Хүрэлсүхийг хүндэтгэн үдэх ёслол 2026/11/20
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролц… 2026/11/20
Дөрвөн чиглэлд шөнийн автобус иргэдэд үйлчилж байна 2026/11/19
Хуулийн төсөл: Хаврын морин уралдааныг зөвшөөрнө, зөвшөөрөхгүй 2026/11/19
Монгол Улсын Ерөнхий сайд Н.Учрал цаг үеийн асуудлаар мэдэгдэл хийж ба… 2026/11/18
Ирэх жил 16,000-25,000 айл өрхийг орон сууцанд оруулна 2026/11/18
Ерөнхийлөгч У.Хүрэлсүх үүрэгт ажлаа өгөөд хүлээлгэж өгнө 2026/11/17
#ШУУД Ерөнхийлөгч У.Хүрэлсүх: Энэ бүх гүтгэлэг худал болохыг нотлохын … 2026/11/17
Төсвийн хуулийн онцлох заалтууд 2026/11/17
Ерөнхий сайд Н.Учрал: 562,000 хүний тэтгэвэр 10 хувь нэмэгдэнэ 2026/11/16
Грекийн бурхад Ноён уулд, Хүннүгийн өв Миланд 2026/11/16
“Эрдэнэс Тавантолгой” ХК-ийн Нүүрс баяжуулах үйлдвэр нь 10 сая тн хүчи… 2026/11/13
Г.Жаргалсайхан: Цусан дахь сахарын хэмжээгээ тогтмол хянаж хэвшвэл диа… 2026/11/13
“Comeup 2026” олон улсын арга хэмжээнд Монгол Улсыг төлөөлөн оролцох ш… 2026/11/12
Н.Учрал: Оюу Толгойн ногдол ашгийг иргэдийн дансанд шилжүүлэх эсэх асу… 2026/11/12
ДУЛААН ГАРААШИЙГ ТАТВАРААС ЧӨЛӨӨЛӨХ ХУУЛИЙН ТӨСЛИЙГ ЗАСГИЙН ГАЗАР ДЭМЖ… 2026/11/11
Хүннү хотын дэд бүтцийн бүтээн байгуулалтууд үргэлжилж байна 2026/11/11
"Шинэ цагийн малчин” хөтөлбөр эхэллээ 2026/11/11
"Чингис хаан” тэргүүн зэргийн одонг Шинжлэх ухааны академид хүртээнэ 2026/11/09
Шүтээн зураач, лам Т. Дүгэрийн “Жийдаан богдын увдис” үзэсгэлэнд Жийда… 2026/11/09