Г.Занданшатар: Хүний эрхийн асуудлаар гишүүд ярих биш өөрсдөө манлайлал үзүүл

УИХ-ын чуулганы нэгдсэн хуралдаанаар Хүний эрхийн Үндэсний Комиссын дарга Ж. Хунанг ажлаас нь чөлөөллөө. Монголд хүний эрхийн зөрчил ихэсч байгааг сүүлийн хэдхэн дуулианаас тод харж болно. Хэдийгээр хүний эрхийг хамгаалах талаарх эрх зүйн орчин сайжирч байгаа ч ХЭҮК-ын удирдлагын манлайлал, бодит үр дүн гаргах чиглэлд санаачилгатай ажиллаж чадахгүй байгааг УИХ-ын гишүүд хэлж байлаа. ХЭҮК-ын үйл ажиллагаанд шүүмжлэлтэй хандаж, бодит ажил хийхийг УИХ-ын дарга ч өмнө шаардаж байсан. Гэвч ажил сайжирсангүй тул удирдлагыг нь солих хэмжээнд хүртэл асуудал босч ирснээр ийнхүү шийдэгдлээ.  

УИХ-д ажлаа тайлагнадаг байгууллагуудын даргыг  УИХ-ын дарга бүрэн эрхийнхээ хүрээнд томилж, чөлөөлөх эрхтэй байдаг. Энэ ч утгаараа УИХ-ын дарга Г.Занданшатар уг асуудалд анхаарал хандуулж, ХЭҮК үйл ажиллагааны үндсэн чиг үүрэг, хүлээсэн үүргээ ягштал биелүүлэх зайлшгүй шаардлага үүсээд байгааг хэдэнтээ санууллаа.

Мөн хүний эрхийн асуудлаар чуулганы танхимаас үг хэлдэг гишүүд ярих биш, Улсын Их Хурлын түвшинд манлайлал үзүүлж ажиллахыг анхааруулав.