Монголын говьд Марсын судалгааны бааз барих боломжтой

Байгаль орчин, аялал жуулчлалын сайд Б.Бат-Эрдэнэ Марс нийгэмлэгийн Ерөнхийлөгч, Доктор Роберт Зубрин түүний гэргий Хөүп Зубрин болон Сансар судлалын институт, Вакаяама их сургуулийн Профессор Хироаки Акаяама нартай уулзалт хийжээ.

Уулзалтын үеэр талууд Марсын судалгааны баазыг Монгол Улсад байгуулах боломжийн талаар санал солилцож, цаашид дэлхийн хэмжээний төслийг Монгол Улс дэмжин хамтран ажиллахад бэлэн, Монголын говьд Марсын судалгааны бааз барих боломжтой гэдгийг БОАЖ-ын сайд Б.Бат-Эрдэнэ илэрхийлсэн байна.

Марс нийгэмлэгийн Ерөнхийлөгч доктор Роберт Зубрин, гэргий Хөүп Зубрины хамт энэ сарын 18-нд Монгол Улсад иржээ. Доктор Роберт Зубрин нь Сансрын Хайгуулын Технологийн “SpaceX” компанийн захирал Элон Маскийн багш, хамтрагч аж.