С.МӨНХЧУЛУУН 21.9 ТЭРБУМ ХҮСЭЭД Ч ӨӨДЛӨХГҮЙ

Дундговь аймгийн Засаг дарга С.Мөнхчулуун засаг ноён болохоосоо өмнө их л гоё имиж пиартай очсон. Дундговьчууд ч одоо л нэг юм хийх залуу даргатай боллоо гэж хүлээж авсан байх. Харамсалтай нь өнөөдөр 21 аймаг дундаа сүүл мушгисан хэвээрээ ёстой сахил хүртээд шал дордов гэгч болчихов. УИХ-аар Төсвийн тодотгол хэлэлцэж байна.

Дундговь аймгуудаас хамгийн өндөр буюу 21.9 тэрбум төгрөгийн дэмжлэг хүсчээ. Хэрэв төсвийн тодотгол батлагдахгүй бол төрийн албаныхны цалингийн нэмэгдэл, халаалт, цахилгаан гээд урсгал зардал бүгд зогсоно. Учир нь өнөөдөр аймгийн данс улайсан. Нэгдсэн эмнэлэг нь гэхэд 3.8 тэрбумын өртэй эмчилгээ үйлчилгээ хийх боломж хомсдсон. 5 сараас хойш аймгийн хэмжээнд зөвхөн цалингаас өөр зардал гаргаж дийлэхгүй болсон.
С.Мөнхчулуун дарга засаг болохдоо аймгаа улсын төсөв хөрөнгө төвлөрүүлдэг болгоно гэж их том амласан юмдаг. Том ам шалдан гуя болсон дарга бараг л аймгаасаа хөөгдөх дээрээ тулжээ