Шинжлэх ухаан, технологи, инновац дэмжигч
Шинжлэх ухаан, технологи, инновац дэмжигч
Австралийн найруулагч Gabrielle Brady-ын бүтээл The Wolves Always Come at Night - Шөнө Үүр Шөнөөр Ирдэг киног маань 2026 оны Оскарын шагналын шилдэг олон улсын кино төрөлд Австрали улс албан ёсоор нэр дэвшүүлсэн цаг үетэй давхцан нэгэн баярт мэдээ кино багийн уран бүтээлчдэд дахин урам хайрлалаа.
Хятадын Fuzhou хотод болсон 12 дахь Silk Road олон улсын кино наадмаас Австралийн Over Here Productions, Германы Chromosom Films-болон Монголын Гуру Медиа хамтран бүтээсэн энэхүү бүтээл маань энэхүү наадмын Golden Silk Road Шилдэг Баримтат Кино шагналыг хүртлээ.
Энэ наадамд 125 орны 2825 бүтээл ирснээс, баримтат киноны төрөлд 500 бүтээл өрсөлдсөн байна. Уур амьсгалын өөрчлөлтөөс үүдэн хот нүүхээр шийдсэн Баянхонгор аймгийн Бууцагаан сумын харьяат Давгасүрэнгийн Даваасүрэн болон түүний гэргий Дашзэвэгийн Отгонзаяа нарын бодит түүхээр дамжуулан, мянга мянга жил оршсоор ирсэн нүүдэлчин ахуй соёл байгаль цаг уурын хурдтай өөрчлөлтөнд хэрхэн эргэлт буцалтгүй хувиран өөрчлөгдөж, дасан зохицох, тэсэж давах дотоод дархлаагаа эрэлхийлж байгаа эгэл түүхийг баримтат уран сайхны хосолмол хэлээр өгүүлдэг.
Уг бүтээлийг 2025 оны 10 -р сарын 15 аас Univision, DDish, Look TV болон VOO сувгаар Та бүхэн үзэх боломжтой болно.
