БАЙГАЛЬ ЭХИЙН ДУУ ХООЛОЙ” ЭРДЭМ ШИНЖИЛГЭЭНИЙ ХУРАЛД МОНГОЛ, ОРОС, ХЯТАДЫН 300 ГАРУЙ СУРАГЧ ОРОЛЦЛОО

Байгаль эхийн дуу хоолой” олон улсын сурагчдын эрдэм шинжилгээний бага хурал Хөх хотод зохион байгуулагдаж, Монгол Улсаас нийслэлийн ерөнхий боловсролын Өсвөрийн зохион бүтээгчдийн ахлах сургууль, 20, 28, 60 дугаар сургууль, “Эхлэл” сургууль, “Сод” цогцолбор сургууль, Өмнөговь аймгийн Ханбогд сумын сурагчид оролцов.

Хурлын гол зорилго нь нэг тив, бүс нутагт оршин амьдарч буй хөрш орны хүүхдүүдэд экологийн тэнцвэргүй байдлаас дэлхий ертөнцөд үүсэж буй хор уршгийн талаар ойлгуулах, байгаль орчныхоо төлөө хариуцлага хүлээдэг байх, байгалиа хамгаалахад хүүхэд залуучуудын оролцоо хувь нэмрийг бий болгох, экологийн боловсрол олгосноор 3 орны хүүхдүүд хамтдаа эх дэлхийгээ хайрлах, халамжлах хандлагыг төлөвшүүлэхэд оршив.

Эрдэм шинжилгээний бага хуралд хүүхдүүд байгаль экологио хамгаалах илтгэл хэлэлцүүлгүүдээ өрнүүлж, үзэсгэлэнд бүтээлчээр оролцож, уралдаан тэмцээнүүдэд хүч чадал авхаалж самбаагаа сорих замаар гурван орны хүүхэд залуучууд мэдлэг оюун, авьяас чадвар, хэл соёлоо солилцож байгаа нь чухал болохыг онцлон тэмдэглэж байлаа.

“Байгаль эхийн дуу хоолой” сурагчдын эрдэм шинжилгээний хурлын Онолын буюу Илтгэлийн хэсэгт:

1 дүгээр байр
Монгол Улсаас: Өмнөговь аймгийн Ханбогд сумын сургуулийн ЕБС-ийн сурагч Э.Сэцэнгоо,
Хятад Улсаас Хан Руй,
Орос Улсаас Гармаева София

2 дугаар байр
Монгол улсаас: НЕБ-ын 28 дугаар сургуулийн сурагч Б.Анунгоо
Хятад улсаас: Ван Кай Ти
Орос улсаас: Чимитово Сарана

3 дугаар байр
Монгол улсаас: Өсвөрийн зохион бүтээгчдийн ахлах сургуулийн сурагч О.Төрболд
Хятад улсаас: Ли Мин Хуй
Орос улсаас: Яковлев Святозар

Практик буюу Үзэсгэлэнгийн хэсэгт:

1 дүгээр байр
Монгол Улсаас:
28 дугаар сургуулийн сурагч Б.Анунгоо, Т.Энхболд
ӨЗБАС-ийн сурагч М.Энхжин
ӨЗБАС-ийн сурагч Б.Алтанчимэг
ӨЗБАС-ийн сурагч Б.Энхмэнд
НЕБ-ын 20 дугаар сургуулийн сурагч М.Жонон

Хятад Улсаас:
Пан Ху Бо
Ү Жа Хуй
Зао Жин Хань

Орос Улсаас:
Яковлев Святозар
Чимитове Мариа
Хальбаева Ирина
Дун Вадим
Гармаева София нар тус тус байр эзлэв.

Эрдэм шинжилгээний хуралд тавигдсан сурагчдын илтгэлүүд нь өнөөгийн бидний байгаль экологийн салбарт тулгамдсан асуудлуудыг хөндөж, хамтран шийдэх, байгаль дэлхийгээ хайрлан хамгаалах шинэлэг санал санаачилга, шийдэл санал болгож байсан нь бахархам байсныг онцлон тэмдэглэх нь зүйтэй юм.

Монгол сурагчдын бүтээлч, эрэлхийлэгч хандлага, хятад сурагчдын уран яруу илтгэх ур чадвар, орос сурагчдын шинжлэх ухаанч судалгааг шүүгчид, зохион байгуулагч, зочид үнэлэн сайшааж байв.