Нийслэл хотод анх удаа зохион байгуулж буй “Нүүдэл 999” анхдугаар тэмцээнд шатар сонирхогч та бүхнийг урьж байна

Шатрын спортыг хөгжүүлэх, түгээн дэлгэрүүлэх, шатарчдын ур чадварыг дээшлүүлж, хүүхэд залууст оюуны спортын ач холбогдлыг таниулах зорилгоор НЗДТГ болон “Түшээ Бэрс” ТББ хамтран“Нүүдэл-999” шатрын анхдугаар тэмцээнийг зохион байгуулах гэж байна. Тэмцээний бүртгэл дөрөвдүгээр сарын 23-ны өдрийн 15:00 цаг хүртэл Баянгол дүүргийн спорт хорооны байранд болно. Өнөөдрийн байдлаар тус тэмцээнд оролцохоор 650 орчим шатарчин бүртгүүлээд байна.

“Нүүдэл 999” анхдугаар тэмцээн дөрөвдүгээр сарын 24-ний өдөр 09:00-18:00 цагийн хооронд Сүхбаатарын талбайн асарт болно. Шатар сонирхогч та бүхэн амжиж бүртгүүлээрэй.

 НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС