“Apple” компани ирэх сард “Ipad” болон “Iphone”-ийн шинэ загвараа танилцуулна

Apple” компани ирэх гуравдугаар сарын эхээр “iPhone” болон “iPad”-ийн шинэ загвараа танилцуулахаар төлөвлөж байна.

Шинэ загварын камерыг өмнөх загвараас сайжруулсан бөгөөд тооцооллын хувьд илүү өндөр хүчин чадалтай байх гэнэ. Тус компани өнгөрсөн оны аравдугаар сард “MacBook”-ийн шинэ загвараа танилцуулснаас хойш энэ онд анх удаа шинэ бүтээгдэхүүн танилцуулах гэж байна. Мөн нээлтийн арга хэмжээг цахимаар явуулахаар төлөвлөж байгааг ойрын эх сурвалж мэдээллээ. Шинэ загварууд нь 5G сүлжээнд холбогдохоос гадна харьцангуй хямд үнэтэй байх аж.