“Зүүнбаян төмөр зам” ХХК-ийн ажилтнууд сургалтад хамрагдав

“Зүүнбаян төмөр зам” ХХК-ийн ажилтнууд өнгөрөгч амралтын өдрүүдэд “Хөдөлмөрийн аюулгүй байдал, эрүүл ахуйн” сургалтад хамрагдлаа.

Сургалтыг “Төгс баян хүрээ” ХХК-ийн захирал, “Баян хүрээ” сургалтын төвийн ХАБЭА-н зөвлөх, сургагч багш Х.Баянхангай удирдан явуулав. Энэхүү сургалтаар ХАБЭА-н тухай ерөнхий ойлголт, Үйлдвэрлэлийн осолд хүргэдэг аюултай хүчин зүйлс, урьдчилан сэргийлэлт, Ажлын хувцас хамгаалах хэрэгслийн төрлүүд, зохистой хэрэглээ зэрэг сэдвийн хүрээнд мэдлэг олгосон юм.

“Зүүнбаян төмөр зам” ХХК-ийн тухайд Гүйцэтгэх захирлын тушаалаар долоон хүний бүрэлдэхүүнтэй ХАБЭА-н зөвлөл болон Үйлдвэрлэлийн осол, хурц хордлогыг судлан бүртгэх комисс байгуулагдан ажиллаж байна. Сургалтын төгсгөлд нийт ажилтнуудад сертификат олгож, компанийн ажилтнуудынхаа аюулгүй ажиллагааг эрхэмлэн, ХАБЭА-н хүрээнд гарч болох эрсдэлээс урьдчилан сэргийлэх чиглэлд хамт олноо манлайлан оролцсон Гүйцэтгэх захирал Д.Банзрагчид тус сургалтын төвөөс талархал илэрхийлж, батламж гардууллаа.