МУГТ С.Батцэцэг шөвгийн дөрөвт шалгарлаа

Токио-2020 олимпын наадмын чөлөөт бөхийн барилдааны хоёр дахь өдөр эмэгтэйчүүдийн 68 кг-ын жинд Хөдөлмөрийн баатар, Гавьяат тамирчин С.Батцэцэг барилдаж байна.  Дэлхийн алт, мөнгө, хүрэл медальт МУГТ С.Батцэцэг эх орноо төлөөлөн барилдаж, Оросын Ханум Вельевагийн эсрэг хийж, 8-5 гэсэн харьцаатай яллаа. Ийнхүү хагас шигшээд шалгарч, үдээс хойш мөнгөн медалийн төлөө барилдахаар болж байна.

Өдгөө 31 настай С.Батцэцэгийн хувьд гурав дахь олимпдоо оролцож байгаа. Тэрбээр хамгийн анх 2012 оны Лондонгийн олимпод оролцож, хүрэл медаль хүртэж байсан бол 2016 онд 12-р байрт орж байв. Харин түүний өрсөлдөгч Францын Кумба Ларрок энэ жил 23 нас хүрнэ. Залуу тамирчны тухайд энэ оны Европын аваргад түрүүлсэн аж.