Шинжлэх ухаан, технологи, инновац дэмжигч
Шинжлэх ухаан, технологи, инновац дэмжигч
Ерөнхийлөгчийн сонгууль маргааш буюу зургаадугаар сарын 9-нд болно.
Санал хураалтад МАН-аас У.Хүрэлсүх, АН-аас С.Эрдэнэ, "Зөв хүн электорат" эвслээс Д.Энхбат нар өрсөлдөж байгаа. Тэгвэл өнөөдөр /2021.06.08/ зөөврийн хайрцгаар санал авч эхэллээ.
Ерөнхийлөгчийн сонгуульд нэр дэвшигч Д.Энхбатын хувьд коронавирусний халдвар авсан тул зөөврийн хайрцгаар өнөөдөр 14:00 цагт саналаа өгнө.
Монгол Улсын Ерөнхийлөгчийн Сонгуулийн тухай хууль болон Монгол Улсын Ерөнхийлөгчийн 2021 оны ээлжит сонгуулийн үед коронавируст халдвар (Ковид-19)-ын цар тахлаас урьдчилан сэргийлэх түр журамд заасны дагуу короновируст халдварын улмаас хэвтэн эмчлүүлж байгаа болон тусгаарлагдсан сонгогчид, албан үүргээ гүйцэтгэж буй сонгогчдоос зөөврийн битүүмжилсэн саналын хайрцгаар санал авахаар болсон билээ.
Иймд дээр дурдсан шалтгаантай иргэд өнөөдөр эмнэлэг, тусгаарлан ажиглах байранд байх сонгогчид зөөврийн хайрцгаар санал өгөх ба энэ тухай хүсэлтээ 2021 оны зургаадугаар сарын 1-ний дотор батлагдсан маягтын дагуу тухайн тусгаарлах байр, эмнэлгийн захиргаанд гаргаж өгсөн байх ёстой юм.
