Н.Алтанхуяг: Н.Багабанди Оюутолгой ТУЗ-д байхгүй бол үхчих гээд байгаа юм байхдаа

Монгол Улсын Засгийн газар 2020 оны есдүгээр сарын 14-нд  "Оюутолгой" ХХК-ийн Төлөөлөн удирдах зөвлөл /ТУЗ/-ийн гишүүдийг сонгон шалгаруулалтыг нээлттэй зарласан. Энэ удаагийн сонгон шалгаруулалт нь Санхүүгийн шинжилгээ хийх, уг чиглэлээр баг гаргаж, ажиллуулах, Гүний уурхайн чиглэлээр судалгаа хийх, Олон нийттэй харилцах гэсэн гурван чиглэлээр сонгон шалгаруулахаар байсан юм. Энэхүү нээлттэй сонгон шалгаруулалтад нийтдээ 47 хүн материалаа ирүүлжээ. Үүнээс хоёр хүнийг сонгож, өчигдөр /2020.10.28/ Засгийн газрын хуралдаанаар ТУЗ-ийн гишүүдийг томилов. Харин одоо ТУЗ-ийн гишүүн байгаа Н.Баганбандийг хэвээр үлдээх шийдвэрийг гаргажээ. Энэ асуудлаар Ерөнхий сайд асан, УИХ-ын гишүүн Н.Алтанхуягаас тодруулахад "Буруугаар барах уу. Би Ерөнхий сайд болоод Н.Багабандийг болиулж байсан. Дахиад байгаад байгаа юм уу. Оюутолгойн ТУЗ-д байхгүй бол үхчих гээд байгаа юм байхдаа. Маш буруу. Би Ерөнхийлөгч асан Н.Багабандийн оронд байсан бол ёсзүйгээ бодоод улс орноо бодоод элдэв олон юм орноо бодоод больчих байсан. Арай үлдчихээгүй байлгүй дээ. Энэ бол ялзарсан систем" гэлээ.