Малын пробиотик

ХААИС-ийн Мал эмнэлгийн хүрээлэнгийн Төлийн физиологи, эмгэг судлалын лабораторийн пробиотик судлалын баг судлаачид нь малын гүзээний агуулагдахуунаас ашигтай бактери ялган авч  сувиллын тэжээлийн бэлдмэлийн технологийг бий болгож үйлдвэрлэлд нэвтрүүлсэн байна. Тодотгож хэлбэл, малын өвс тэжээлийг боловсруулахад оролцдог ашигтай бактериуд гэж байдаг. Ашигтай бактериуд нь нүүрс ус, уураг, өөх тос задлаж боловсруулдаг гэх мэтчилэн хуваагддаг. Үүний нэг болох нүүрс ус буюу эслэг задлах бактерийг малын гүзээний агуулагдахуунаас ялган авч бэлдмэл хийх технологи бий болгосон гэсэн үг.

ЦЕОПИТ + ЦЕЛЛЮЛОЛИТ= МАЛЫН СУВИЛЛЫН ИЖ БҮРДЭЛ БЭЛДМЭЛ

Энэ хоёр бэлдмэл нэг иж бүрдэл болж мал аж ахуйн салбарт ашиглах нь илүү үр ашигтайг судалгаагаар тогтоожээ.

БАЙГАЛИЙН ЦЭВЭРШҮҮЛСЭН ЦЕОЛИТ АГУУЛСАН ЦЕОПИТ БЭЛДМЭЛ

 Эслэг задлах бактерийн бэлдмэлтэй яагаад иж бүрдэл болж хослоод байна гэхээр бактериас ялгардаг нүүрс ус задалдаг ферментийн орчныг хурдасгаж өгдөг. Нэг ёсондоо ферментийн катализатор болох үүрэгтэй.

 Бэлдмэл дотор олон төрлийн эрдэсийн ион агуулагддаг төдийгүй эдгээр нь ион солилцох чадамжтай юм. Энэ зарчимаараа хар тугалгыг өөртөө маш сайн шингээж байгаа нь мал амьтны биеэс хор гадагшлуулах чадамжтай бүтээгдэхүүн болсон нь тогтоогджээ.

 Энэ бүтээгдэхүүнийг хэрэглэснээр мал амьтныг аливаа хордлогоос сэргийлж эрдэс дутагдлыг нөхөж өгнө. Мөн тэжээл боловсруулалтыг сайжруулж, орчныг нь нөхцөлдүүлж өгснөөр малын амьдын жинг нэмэгдүүлэх, туралтыг багасгах давуу талтай юм байна.

НҮҮРС УС ЗАДАЛДАГ БҮТЭЭГДЭХҮҮН БОЛОХ ЦЕЛЛЮЛОЛИТ

Энэ бүтээгдэхүүн нь хорголжин хэлбэртэйгээр төл мал, өсвөр мал гээд ангилж хэд хэдэн янзаар савлагдаж худалдаанд гарсан байна. 1 кг тутамд 300 орчим сая амьд эслэг задалдаг бактери агуулсан бэлдмэл аж.