Шинжлэх ухаан, технологи, инновац дэмжигч
Шинжлэх ухаан, технологи, инновац дэмжигч
Дарга ч үгүй, дүрэм ч үгүй АН намын даргын сунгаа зарласан нь олны анхаарал татаад байна. Энэ сунгааг эхлээд АН-ын даргын үүрэг гүйцэтгэгч Ц.Тувааны талаас эхлүүлсэн бол АН-ын хуучин дарга С.Эрдэнийн талаас мөн намын даргын сунгааг эхлүүллээ. Үндсэндээ С.Эрдэнэ, Ц.Туваан нар хоёр өөр АН-ын даргын сонгууль зарлаж, АН-ыг дахин хоёр даргатай болгох нь тодорхой болов.
Ц.Тувааны талаас зарласан АН-ын даргын сунгаанд 16 хүнээс шигшигдэж, Д.Пүрэвдаваа, О.Амартүвшин, С.Эрдэнэболд, О.Цогтгэрэл нарын дөрвөн хүн нэр дэвших үнэмлэхээ өчигдөр албан ёсоор гардан авсан. Тэдний хувьд сонгуулийн сурталчилгаа нь өнөөдөр албан ёсоор эхэлж, нийт 12 хоног үргэлжлэх бөгөөд гуравдугаар сарын 26-ны өдөр сурталчилгаа нь дуусч 28-ны өдөр дарга сонгох санал хураалт нв болох аж.
Харин АН-ын албан ёсны гэгдэж буй дарга С.Эрдэнийн зарласан намын дунд шатны байгууллагын дарга нарыг сонгох сунгаа өчигдөр албан ёсоор эхэлсэн. С.Эрдэнийн мэдээллээр бол Ардчилсан намын үндсэн дүрмийн хүрээнд дотоод сонгуулийн үйл ажиллагаа зохион байгуулагдаж байгаа бөгөөд дунд шатны намын дарга нарын нөхөн сонгууль гуравдугаар сарын 17-нд цахимаар болох гэнэ. Нэр дэвшигчдийнх нь сурталчилгаа мөн л эхэлсэн. Намын даргын сонгууль нь дөрөвдүгээр сарын 25-нд болж тавдугаар сарын 2-нд намын их хурлаа хийн шинэ даргадаа тамгаа гардуулна гэгдэж байгаа юм.
