Нийгэм


Унадаг дугуйн параданд 1500 дугуйчин оролцжээ

4 жил, 2 сар TIMES.MN

Өнгөрсөн 2012 оноос хойш Монголын Залуучуудын Холбооноос санаачлан зохион байгуулж ирсэн Спирт үү, Спорт уу аяны нээлт Автомашингүй өдрийн хүрээнд боллоо. Тус аяны нээлтийг Унадаг дугуйн парадаар эхлүүлсэн нь нийслэлчүүдийн анхаарлыг татсан юм. Ойролцоогоор 1500 дугуйчин дугуйн параданд нэгдэж, дугуй унахын ач холбогдлыг олон нийтэд сурталчиллаа. Манай улсад сүүлийн хоёр жилийн хугацаанд унадаг дугуйн хэрэглээ 7 дахин өссөн гэсэн судалгаа бий. Энэ нь ч өмнөх жилүүдийн дугуйн параданд оролцсон дугуйчдын тооноос харагдаж байгаа юм.Тодруулбал 2012 онд 300, 2013 онд 500, 2014 онд 1000 гаруй дугуйчин оролцож байжээ. Дугуйн параданд нэгдсэн залуус Чингисийн талбайгаас өдрийн 15:00 цагт хөдөлж, нийт 8 км замыг туулан улмаар “Хүүхэд” гэсэн үгийг бүтээжээ. Учир нь Монголын Залуучуудын Холбоо зургадугаар сарыг “Хүүхдийн сар” болгон зарлаж, хүүхдүүд рүү чиглэсэн ажлуудыг хийхээр төлөвлөжээ. Дашрамд дуулгахад энэ өдөр “Унадаг дугуйн зогсоолтой Улаанбаатар” төслийн нээлтийг хийж, 500 байгууллагад унадаг дугуйн зогсоол байгуулах тухай албан хүсэлтийг тавилаа. Унадаг дугуйн хэрэглээ нэмэгдсэнээр нийслэл хотын гол асуудал болсон замын түгжрэл, агаарын бохирдол буурахад түлхэц болох юм. Тиймээс ААН, байгууллагууд МЗХ-ноос санаачлан хэрэгжүүлж байгаа энэхүү ажлыг дэмжин ажиллана гэдэгт итгэж байна. Унадаг дугуйн парадыг Монголын Залуучуудын Холбоо, Нийслэлийн Замын Цагдаагийн Газар, Залуу дугуйчин клуб, Хобби Зонетэй хамтран зохион байгуулсан юм.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.