“Хотулун гүнж” киног заавал үзэх 8 шалтгаан
Дэлгэцнээ амилаад удаагүй байгаа “Хотулун гүнж” түүхэн тулаант уран сайхны киноны дуулиан үргэлжилсээр байна. U property ХХК-иас үндэсний кино урлагаа дэмжиж монгол киногоо үзэх уриалга гаргасан байна.
Бид яагаад Хотулун гүнж киног үзэх ёстой вэ?
1. “Хотулун
гүнж” мартагдах дөхөж буй үндэсний үзэл санааг сэргээх, агуу их түүхээ эргэн
санах сэрэх олон санааг илэрхийлжээ хэмээн археологч, поктор Д.Эрэдэнбаатар
бичжээ.
2. Энэ кино алтан ургийнхны зөрчил хурцадсан их Юань гүрний үеийг харуулсан анхны монгол бүтээл юм. Кино хэдий уран сэтгэмж давамгайлсан ч, Хубилай хаантай насан турш тэмцсэн Хайду хаан, түүний охин Хотулун гүнж, Номхон хунтайж, Хайдугийн талд зогсч байсан Жирх ночн зэрэг бодит түүхэн хүмүүсийг дүрсэлдэг учир үргэлжлүүлэн түүхийн мэдлэгээ нэмж унших сэдэл өгнө.
3.13-р
зууны монгол хүний тууштай, чигч шударгуу, эзэнт төрдөө чин үнэнч зан чанарыг
Хотулун гүнжийн шадар баатрууд Бүргэд, Чину, Барс, Харцага, Баавгай баатруудын
дүрээр тод томруун харуулжээ. Кинонд баатрууд эзэнт төрийнхөө төлөө зүтгэхээ
илэрхийлэгн “Андгайдаа үнэнч байя” хэмээн тангарагладаг.
4.Андын
нөхөрлөлийн үнэ цэнийг уран сайхны талаас гайхалтай харуулсан бүтээл. “Хотулун
гүнж” кинонд гүнжийн багын анд Чину баатар амь эрсдэхдээ нөхөрлөлийн бэлгэ
тэмдэг болсон сумны зэвийг хадгалж явснаа өгдөг бол, Хотлуун “Хатгах илдний
бамбай
Харвах сумны халхавч
Хээрийн чоно шиг зоригтой
Хэнз багын анд Чину мину...” хэмээн алдаршуулдаг.
5. Өнөөгийн
хар ярианд гээгдэж буй ховор сайхан үгс, “Хөглийх үүлсийг хөлөглөн одож,
6. Хөх
мөнгөн тэнгэртээ амгалан нойрс доо...” гэх мэтийн уран цэцэн харилцан яриа чих мялааж, эх
хэлний агуу баялгаас суралцахад нэн тустай.
7.Хүн хүнээсээ урвах, эзэнт төрөөсөө нүүр буруулахын гай гамшгийг тод томруун харуулсан бүтээл. Инээсэн бүхэн нөхөр бус, уурласан болгон дайсан бус гэдгийг Номхон хунтайжийн хэлдэг “Эзнээсээ урвасан боолд Эгнэгт бүү итгэ хэмээн Эзэн богд Чингис хаан сургасан билээ..” гэх үг, түүний эрс хатуу үйлдэл үзэгчдэд харуулж чадсан байна.
8. Нүд
баясгам үзэсгэлэнт байгаль, монгол үндэсний хувцас, хэрэглэл нь үндэсний
дархлаагаа сэргээх, эх оронч үзлийг бэхжүүлэхэд жинтэй хувь нэмэр болохуйц
бүтээл болжээ.
“Хотулун гүнж” киноны зураг авалт Булган, Төв, Хэнтий, Өвөрхангай, Дундговь зэрэг 5 аймгийн 8 үзэсгэлэнт газрыг харуулсан нь эх орныхоо үзэсгэлэнт байгалийг тольдон харуулсан сайхан зураглалууд үзүүлж чаджээ.
Сэтгэгдэл