Д.Ганзориг шүүгч жолоочоо согтуугаар зодсон гэх асуудлыг ЦЕ…
7 цаг, 11 минут
Д.Сумъяабазар: Смарт картыг хэрэглээнээс хална
8 цаг, 47 минут
Их дэлгүүрийн зүүн урд уулзвараас Тэди төвийн зүүн хойд уул…
10 цаг, 3 минут
Д.Түвдэндорж: УДШ хуулиа мөрдөж, Х.Баттулгыг АН-ын даргаар …
10 цаг, 13 минут
ЗГ: Элсэн чихэр ёотон ургамлын тос, цагаан будааг гаалийн т…
11 цаг, 16 минут
17 настай хүүхэд Ачит нууранд осолджээ
12 цаг, 15 минут
Барилгын кран орон сууцан дээр унах гэж байсан тул иргэдийг…
12 цаг, 18 минут
Д.Сумъяабазар: Хил дээр ирсэн нийтийн тээврийн 70, хүүхдийн…
13 цаг, 1 минут
Баруун аймгуудын ноолуурыг үнэгүйдүүлэхгүй байхыг хүслээ
14 цаг, 2 минут
ЭМЯ: Улсын хэмжээнд 98 халдвар шинээр бүртгэгдлээ
14 цаг, 15 минут
Алтай, Хангай, Хөвсгөл, Хэнтийн уулархаг нутаг, Халх голын …
15 цаг, 14 минут
Монгол иргэд Турк руу визгүй зорчдог 30 хоногийн хугацаагаа…
15 цаг, 17 минут
Энэ долоо хоногт ажиллах шинжилгээний цэгүүд
15 цаг, 24 минут
Хөгжлийн банкны “багц” хэргийг тойрсон “бага сага” явдал
15 цаг, 26 минут
ШУУРХАЙ:Ардчилсан намын Улс төрийн зөвлөл яаралтай хуралдах…
1 өдөр, 7 цаг
И.Мөнхжаргал: Ардчилсан намын бүртгэлийг будлиулж байгаа ту…
1 өдөр, 7 цаг
НМХГ: Эмээлт дэх мах боловсруулах компани нунтаг бодис хэрэ…
1 өдөр, 8 цаг
Улс төрийн 20 гаруй намуудын төлөөлөл сонгуулийн тогтолцоон…
1 өдөр, 8 цаг
Эмнэлгийн тусламж, үйлчилгээний чанарыг сайжруулснаар эх, н…
1 өдөр, 9 цаг
Д.Сумъяабазар: Угсармал орон сууцны дулаан алдагдлыг бууруу…
1 өдөр, 9 цаг
Б.Лхагвасүрэн: 2023 оны эхнээс инфляц нэг оронтой тоо руу о…
1 өдөр, 11 цаг
Гүнтийн замыг маргаашаас хаана
1 өдөр, 11 цаг
Баянхонгор аймгийн Засаг дарга Д.Мөнхсайхан Авлигын эсрэг х…
1 өдөр, 11 цаг
ЭМЯ: Улсын хэмжээнд 77 халдвар шинээр бүртгэгдлээ
1 өдөр, 13 цаг
Шинжээчийн дүгнэлт: Д.Сосорбарам руу цацсан нунтгаас химийн…
1 өдөр, 14 цаг
Финляндын сургуулийн боловсролын талаархи сонирхолтой барим…
1 өдөр, 14 цаг
Хотон шувууны хошууг Казахстан улсаас авч, дамжуулан худалд…
1 өдөр, 14 цаг
"Хотулун гүнж" Латин Америкт гарна
1 өдөр, 14 цаг
АТГ: 42 албан тушаалтны ХОМ-ийг шалгаж байна
1 өдөр, 14 цаг
Төрийн хэмнэлт хэрэгжиж эхлэв
1 өдөр, 15 цаг
У.Хүрэлсүх: Хүнсээ дотоодоос бүрэн хангахын тулд төр, засга…
1 өдөр, 15 цаг
Хятад улс иргэдээ гадаадад аялахыг хориглов
1 өдөр, 15 цаг
Дээд шүүхийн Ерөнхий шүүгчээр Ч.Хосбаяр томилогдох уу?
2 өдөр, 8 цаг
Төрийн байгуулалтын байнгын хороо УИХ-ын гишүүн Т.Доржханды…
2 өдөр, 9 цаг
Бурхан багшийн Их дүйчэн өдөр бүх нийтээр амарна
2 өдөр, 10 цаг
УИХ-ын дарга Г.Занданшатар МУБИС-ийн оюутнуудад d-parliamen…
2 өдөр, 10 цаг
Манай иргэд Индонез улсад визтэй зорчихоор болж байна
2 өдөр, 11 цаг
Ерөнхийлөгч У.Хүрэлсүх хүнс үйлдвэрлэгчидтэй уулзаж, тариал…
2 өдөр, 11 цаг
ЭМЯ: Ковидын 29 тохиолдол бүртгэгдэв
2 өдөр, 13 цаг
Г.Занданшатар: Тэрбум мод нэг модноос эхэлнэ
2 өдөр, 14 цаг
Ким Чен Ун COVID-19-ийн дэгдэлтийг "агуу цочрол" гэв
2 өдөр, 14 цаг
Сурагчдын улсын шалгалт ирэх сарын 6-наас эхэлнэ
2 өдөр, 15 цаг
БНСУ-д оршин суух хугацааг сунгах журамд өөрчлөлт оруулжээ
2 өдөр, 15 цаг
Амралтын өдрүүдэд зам тээврийн ослын улмаас нэг хүүхэд гэмт…
2 өдөр, 15 цаг
Элтон Жонны талаар та юу мэдэхгүй байж болох вэ?
2 өдөр, 15 цаг
Манай улс жилд тэрбум доллараар хүнс худалдаж авдаг
2 өдөр, 15 цаг
Нийслэлийн Баянзүрх дүүргийн Намын хорооны тэргүүлэгчдийн х…
3 өдөр, 5 цаг
"Тэрбум мод" Үндэсний хөдөлгөөний хүрээнд мод тарих үйл ажи…
3 өдөр, 15 цаг
Дээд шүүх: Х.Баттулгаас тайлбар авах шаардлагагүй
5 өдөр, 8 цаг

Б.Бямбадорж: Хэвтэн эмчлүүлж буй хүмүүсийн дунд хүнд, нэн хүнд хүний тоо буурахгүй байна

Нийслэлийн удирдах ажилтнуудын шуурхай зөвлөгөөн өнөөдөр боллоо. Нийслэлийн Засаг дарга бөгөөд Улаанбаатар хотын Захирагч Д.Сумъяабазар өмнөх шуурхай зөвлөгөөнөөр долоон чиглэлээр үүрэг даалгавар өгснөөс 88.6 хувийн биелэлттэй хэрэгжжээ.

Хүнд, нэн хүнд хүний тоо буурахгүй байна

Нийслэлийн удирдах ажилтнуудын шуурхай зөвлөгөөн бүрд анхаарал татсан асуудал нь коронавируст халдварын нөхцөл байдлын талаарх мэдээлэл байдаг. Халдвар авсан хүний тоо болоод дархлаажуулалтын мэдээллийг Нийслэлийн Эрүүл мэндийн газрын дарга Б.Бямбадорж өглөө. Тэрбээр:

-Вакцинжуулалтын мэдээг өдөр тутамд гарган, анализ хийж ажилладаг. Өнгөрсөн тавдугаар сард дархлаажуулалт хамгийн өндөр хувьтай  байсан. Арваннэгдүгээр сарын 28-ны байдлаар нийслэлийн хүн амын зорилтот бүлгийн 31.1 хувь нь  нэмэлт  тунд  хамрагдаад байна. Өнгөрсөн долоо хоногт 5150 хүн вакцины нэмэлт тунд хамрагдсан. Нэмэлт тунгийн дархлаажуулалт наймдугаар сарын 18-нд анх эхэлсэн бөгөөд иргэдийн идэвх сүүлийн өдрүүдэд сэргэж байна. 25 их, дээд сургуулийн 4541 оюутан, 156 байгууллагын 156.184 хүн, гэрээр 21.066 хүнийг явуулын баг очиж дархлаажуулсан.  Түүнчлэн томоохон зах, худалдааны төвүүдэд ажиллаж буй түр цэгүүдэд 18.214 иргэнийг  дархлаажуулаад байна.

Өнөөдрөөс эхлэн 75 их, дээд сургуульд  38 явуулын баг, 172 суурин цэг,  15 худалдааны төвд түр цэг, нийт дархлаажуулалтын 227 багт 982 эмч мэргэжилтнүүд ажиллана.  Халдварын тохиолдол өнгөрсөн долоо хоногт өдөрт дунджаар 715 бүртгэгдэж, эмнэлэгт 2994 хүн хэвтэн эмчлүүлж байлаа. Хэвтэн эмчлүүлж буй хүмүүсийн дунд хүнд, нэн хүнд хүний тоо буурахгүй байна гэв.

Түүнчлэн шинэ төрлийн вирус өнөөдрийн байдлаар гурван тивийн 7-8 улсад бүртгэгдсэн. Хамгийн сүүлд ОХУ-д Египетээс ирсэн хүнээс илэрсэн болохыг Нийслэлийн Эрүүл мэндийн газрын дарга мэдээлээд, нэмэлт дархлаажуулалтыг эрчимтэйгээр хийж байгаагаа онцлон өгүүлсэн.

Зайны сургалтад бүрэн шилжсэн сургууль, цэцэрлэг байхгүй

Хүүхэд багачуудын дунд халдвар хэр байгаа, сургууль, цэцэрлэгийн орчинд халдвараас хамгаалах ажлыг хэрхэн зохион байгуулж байгааг Хотын дарга тодруулан асуулаа. Асуултад Нийслэлийн  Боловсролын газрын дарга Ж.Гантулга хариулсан юм.

-Зайны сургалтад бүрэн шилжсэн сургууль, цэцэрлэг байхгүй. Өнгөрсөн долоо хоногийн байдлаар цэцэрлэгийн 16 бүлэг зайны сургалтад шилжсэн. Нийслэлийн хэмжээнд 15 хүүхэд, 45 багш, ажилтан халдвар авсан байна. Сургуулийн тухайд 55 бүлэг зайны сургалтад шилжиж, 150 хүүхэд, 11 ажилтан, 45 багш халдвар авсан. Халдварын тоо долоо хоног ирэх тусам буурч байгаа. Цэцэрлэгийн багш, ажилчдын 70 хувь, ерөнхий боловсролын сургуулийн багш ажилчдын 64.6 хувь нь нэмэлт дархлаажуулалтад хамрагдсан. 12-17 насны хүүхдүүдийн 80 хувийг бүрэн дархлаажуулаад байна гэлээ.

Түүнчлэн өнгөрсөн долоо хоногт Нийслэлийн Мэргэжлийн хяналтын газраас нийслэлийн хэмжээнд 92 эмийн санд хяналт шалгалт хийхэд 87 зөрчил илэрчээ. Жороор олгож буй эмийг хөтөлдөггүй, гарал үүсэл тодорхойгүй “Жор-50” эм худалдаалж байсан зэрэг зөрчил илэрсэн байна.

Давс, бодис цацах машин механизм дутагдалтай байна

Нийслэлийн хэмжээнд халтиргаа гулгаанаас хамгаалах давс, бодисын нөөц хангалттайн дээр Хот тохижилтын газар, дүүргүүдийн ТҮК сайн ажиллаж буйг Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд онцолж байлаа. Харин цаашид анхаарах, шинэчлэн зохион байгуулах ажил багагүй байгааг онцлоод, дараах саналыг дэвшүүлэв.

-Өнөөдрийн байдлаар Улаанбаатар хотын зам, талбайн цэвэрлэгээ, үйлчилгээг ТҮК-ууд хариуцан ажиллаж байна. ТҮК болоод зам, талбайн үйлчлэгч нар хангалттай хэмжээнд хүчин чадлаа шавхан ажилладаг. Бодис цацдаг машин нийслэлийн хэмжээнд цөөн байна. Гэрэлтүүлэг чимэглэл ч мөн ялгаагүй. Тиймээс цаашид аж ахуйн нэгжүүд халтиргаа гулгаанаас хамгаалах цэвэрлэгээг хуульд заасны дагуу хийдэг байх, халтиргаанаас хамгаалах давс, бодисыг нөөцөлдөг байхад анхаарах нь зүйтэй. Тогтолцоог өөрчлөх зарим нэг саналыг боловсруулахаар бид ажиллаж байна.    Давс, бодис цацах техникийн хүрэлцээ, хангамж муу байна. Том оврын машин түгжрэлд ороод саатчихаар хүндрэл учирдаг. Тиймээс бага оврын техник хэрэгсэлтэй болохоос эхлээд хийж хэрэгжүүлэх ажил их байна гэлээ.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар “Өвлийн тэсгим хүйтэнд үүрийн  04:00 цагаас ажлаа зорьж, 05:00 цагт ажлаа хийгээд зогсож байдаг ТҮК-ийн ажилтнуудын ачаалал их байгааг ойлгож байна.  Хотыг өнгө үзэмжтэй, цэвэр цэмцгэр байлгах үүргийг тэд хүлээж байгаа. Нөгөө талд иргэд, аж ахуйн нэгжүүдийг үүрэг оролцоотой байлгахад Ерөнхий менежерийн гаргаж буй саналыг дэмжиж байна. Техник хэрэгсэл дутмаг, автобус унаа хуучин байгаа хэдий ч цэвэр байлгахад нь анхаарах хэрэгтэй байна” гэв.

Сайжруулсан шахмал түлшийг 600 цэгээр борлуулж байна

Өнгөрсөн долоо хоногоос сайжруулсан шахмал түлшний борлуулалтын 600 цэг ажиллаж буй нь төлөвлөсөн зорилтод хүрснийг Нийслэлийн Агаарын бохирдолтой тэмцэх газрын дарга Б.Пүрэвсүрэн тодотгож байлаа. Нийслэлийн хэмжээнд ахмад настан, хөгжлийн бэрхшээлтэй иргэдтэй 15 мянган айлын  янданг хөөлөхөөр төлөвлөснөөс 13500 айлын янданг хөөлжээ. Зургаан дүүргийн хэмжээнд 38.633 тонн түлш нөөцлөөд байгаа. Борлуулалтын цэгийн хүртээмж сайжирч, иргэдийн бухимдал намжсан байна.

Нийслэлийн Агаар, орчны бохирдлын асуудал хариуцсан төслүүдийн удирдагч Д.Ихбаяр “Сайжруулсан шахмал түлшний нөөц өнгөрсөн оны мөн үетэй харьцуулахад харьцангуй цөөн байна. Зүүн бүсийн үйлдвэр арванхоёрдугаар сард ашиглалтад орвол өвлийг өнтэй давах боломж бүрдэнэ” хэмээв. Тиймээс Хотын дарга зүүн бүсийн үйлдвэрийн саатлыг даруй шийдэж, шахмал түлшний нөөцөө нэмэгдүүлэх хэрэгтэйг холбогдох алба, үйлдвэр, аж ахуйн нэгжид санууллаа.

Хувиараа хөдөлмөр эрхлэгчид тооллогод хойрго хандаж байна гэв

Арваннэгдүгээр сарын 1-нээс эхэлсэн аж ахуйн нэгж, байгууллагын тооллого өндөрлөхөд цөөн хоног үлдээд байна. Нийт 172 мянган байгууллага, аж ахуйн нэгж бүртгэлтэй байдгаас 103 мянга нь хамрагдаж, тооллого 70 хувьтай байна. Аж ахуйн нэгжээс гадна хувиараа хөдөлмөр эрхлэгчид тооллогыг татвартай холбон ташаа ойлгосноос хойрго хандаж байгааг мэргэжлийн байгууллагынхан хэлж байна. Тиймээс үлдсэн цөөн хоногт хувиараа хөдөлмөр эрхлэгчдийг тооллогод идэвхтэй хамруулах юм.

Түүнчлэн өнгөрсөн долоо хоногт зам тээврийн осол хэргийн шинжтэй дуудлага 4036 бүртгэгдсэн нь өнгөрсөн оны мөн үеэс өссөн үзүүлэлт гэнэ. Дүүргүүдээс хамгийн их дуудлагатай байгаа нь Баянзүрх дүүрэг. Тус дүүрэгт осол хэргийн тоо өндөр төдийгүй бэртэж гэмтсэн хүний тоо ч бусад дүүргээс өндөр байгаа аж. Түүнчлэн сүүлийн үед согтуугаар тээврийн хэрэгсэл жолоодох хэрэг  цөөнгүй илэрч буйг Тээврийн цагдаагийн албаны дэд дарга Б.Батболд онцоллоо. Сүүлийн  14 хоногт 834 хүн согтуугаар тээврийн хэрэгсэл жолоодсоныг илрүүлсэн байна.

Улаанбаатар хотод өдөрт 420 мянга орчим тээврийн хэрэгсэл хөдөлгөөнд оролцож байгаа бөгөөд их ачааллын үед хөдөлгөөний хурд эрс буурч байгааг мөн тодотгосон.

Гудамж, зам, талбайн цас цэвэрлэх ажлыг шуурхай зохион байгуулахыг үүрэг болгов

Нийслэлийн удирдах ажилтнуудын шуурхай зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч Д.Сумъяабазар дараах үүрэг даалгаврыг өглөө.

-Нийслэлийн 2021 оны төсвийн төлөвлөгөөний дагуу үлдэж буй нэг сарын хугацаанд төсвийн орлого бүрдүүлэгч байгууллагууд орлого бүрдүүлэх ажлаа эрчимжүүлэн, төсвийн орлогын төлөвлөгөөг арванхоёрдугаар сарын 25-ны дотор нэр төрлөөр нь ханган биелүүлэх.

-Коронавируст халдварын цар тархалтыг бууруулах ажлын хүрээнд иргэд, албан хаагчдаа дархлаажуулалтын нэмэлт тунд идэвхтэй хамруулах.

-Сайжруулсан шахмал түлшний борлуулалтын цэг нэмэгдүүлэх ажлаа эрчимжүүлж, айл, өрхүүдийг сайжруулсан түлшээр сайтар хангаж, нөөцөө бүрдүүлж ажиллах.

-Халтиргаа гулгаанаас сэргийлж, нийтийн эзэмшлийн гудамж, зам, талбай, алслагдсан хороолол болон орон сууцны хороолол доторх авто замын цас цэвэрлэгээний ажлыг шуурхай зохион байгуулж ажиллахыг үүрэг болголоо. 

Сэтгэгдэл