"Монголын хөрөнгийн бирж" ТӨХК энэ сарын 20-24-ний өдрүүдэд таван удаагийн үнэт цаасны арилжаа зохион байгуулж, нийт 2 тэрбум 595 сая төгрөгийн арилжаа хийсэн байна.

ХУВЬЦААНЫ АРИЛЖАА: Хувьцааны хоёрдогч зах зээлийн энгийн арилжаа:

Нийт 61 компанийн 4,865,124 ширхэг хувьцаа 1,603,848,544.19 төгрөгөөр арилжсан байна.

№	Симбол	Үнэт цаасны нэр	Ширхэг	Үнийн дүн
1	APU	АПУ	314,014	436,498,964
2	AARD	АРД САНХҮҮГИЙН НЭГДЭЛ	33,707	365,659,110
3	XOC	ҮНДЭСНИЙ ХУВЬЧЛАЛЫН САН	984,499	243,202,485
4	MNDL	МАНДАЛ ДААТГАЛ	1,334,699	147,160,378
5	GOV	ГОВЬ	347,264	117,384,006
6	MFC	МОНОС ХҮНС	1,129,821	94,942,192
7	TUM	ТҮМЭН ШУВУУТ	242,236	91,654,365
8	MFG	Мандал Ирээдүйн Өсөлт	80,993	91,442,227
9	TTL	ТАВАН ТОЛГОЙ	6,885	55,170,265
10	AZH	АЛТАЙН ЗАМ	1,000	48,101,900

Хоёрдогч зах зээлийн арилжаанд идэвхтэй оролцсон үнэт цаасны компаниуд:

№	Симбол	Компанийн нэр	Тоо ширхэг	Үнийн дүн
1	MIBG	Мандал Капитал Маркетс ҮЦК	1,467,461	1,414,492,861
2	MNET	Ард секюритиз ХХК	3,077,615	1,405,188,077
3	TTOL	Апекс Капитал ҮЦК	2,281,224	541,109,896
4	BDSC	БиДиСек ХК	644,117	297,500,487
5	BUMB	Бумбат-Алтай ХХК	584,334	239,814,556
6	ARD	Өлзий энд КО капитал ХХК	708,016	205,840,028
7	TDB	Ти Ди Би Капитал ХХК	1,211,842	184,795,016
8	GLMT	Голомт Капитал ХХК	1,150,157	184,059,749
9	STIN	Стандарт инвестмент ХХК	497,109	132,655,736
10	RISM	Райнос инвестмент ҮЦК ХХК	51,961	71,776,159

Жич: Авсан, зарсан арилжааны нийлбэр үнийн дүнгээр гаргав.

Багцын арилжаа: Энэ долоо хоногт 551,085 ширхэг компанийн багцыг нийт 606,193,500 төгрөгөөр арилжаалжээ.

№	Өдөр	Симбол	Үнэт цаасны нэр	Нэгж үнэ	Арилжигдсан ширхэг	Үнийн дүн
1	2021.09.20	APU	АПУ	1,100.00	551,085.00	606,193,500.00
Нийт					551,085.00	606,193,500.00

КОМПАНИЙН ӨРИЙН ХЭРЭГСЛИЙН АРИЛЖАА: Хоёрдогч зах зээлийн арилжаа:

Энэ сарын 20-24-ний өдрүүдэд компанийн бондын хоёрдогч зах зээлийн арилжаанд төгрөгийн 134 ширхэг бондыг 13,398,000 төгрөгөөр, долларын 130 ширхэг бондыг 12,970 ам.доллараар арилжаалжээ.

ХӨРӨНГӨ ОРУУЛАЛТЫН САНГИЙН НЭГЖ ЭРХИЙН АРИЛЖАА: Хоёрдогч зах зээлийн арилжаа:

"Үндэсний хувьчлалын сан" ХОС-ийн хоёрдогч зах зээлийн арилжаагаар 984,499 ширхэг нэгж эрхийг 243,202,485 төгрөгөөр, "Мандал ирээдүйн өсөлт" ХОС-ийн 80,993 ширхэг нэгж эрхийг 91,442,227 төгрөгөөр тус тус арилжаалсан байна.

Энэ сарын 24-ний өдрийн байдлаар зах зээлийн үнэлгээ 4.9 их наяд төгрөг болсон бол ТОП-20 индекс 43,470.41 нэгж болж, өмнөх долоо хоногоос 0.76 хувиар өссөн гэж Хөрөнгийн биржээс мэдээлэв.

"БОДЬ ДААТГАЛ" ХК ХУВЬЦАА ХАЛААСЛАХ ҮЙЛ АЖИЛЛАГАА ХЭРЭГЖҮҮЛЭХЭЭ МЭДЭГДЭЭГҮЙ БАЙНА

МХБ-д бүртгэлтэй компани “Компанийн тухай хууль”-ийн 49 дүгээр зүйл, “Үнэт цаасны зах зээлийн тухай хууль”-ийн 56.1, Санхүүгийн зохицуулах хорооны “Үнэт цаасны бүртгэлийн журам”-ын 10 дугаар зүйлийн 10.8 заалт буюу үнэт цаасны үнэ ханшид нөлөөлж болох аливаа шийдвэрийг олон нийтэд зарлах үүрэгтэй.

Энэ хууль тогтоомжид заасны дагуу "Бодь даатгал" ХК хувьцаа халааслах үйл ажиллагааг хэрэгжүүлэх тухай шийдвэрийг СЗХ болон МХБ-д ирүүлээгүй, олон нийтэд мэдээлээгүй нь холбогдох хууль тогтоомжийг зөрчсөнд тооцогдож, улмаар тус компанид Зөрчлийн тухай хуульд заасан арга хэмжээ авсан. Иймээс бүртгэлтэй хувьцаат компаниуд үнэт цаасны үнэ ханшид нөлөөлж болох аливаа шийдвэрийг хууль журамд заасан хугацаандаа олон нийтэд мэдээлж байхыг МХБ энэ сарын 23-нд анхааруулав.

Долоо хоногийн арилжааны тойм

Сэтгэгдэл