Бидэнд мэдрэгддэг 4 төрлийн өлсөх мэдрэмжтэй танилцацгаая
БИЕ МАХБОДИЙН ӨЛСГӨЛӨН
Ходоод хоосон байх үед мэдрэгдэх өлсгөлөн ба ходоод хоосон оргих, эрч хүч буурах, толгой өвдөх, бие чичрэх зэргээр мэдрэгдэнэ. Биеийг тэнцвэртэй шим тэжээлээр хаггахын тулд тогтмол цагуудад хоол хүнс хэрэглэж хэт өлсөх, хэтрүүлэн идэхээс зайлсхийх хэрэгтэй.
СЭТГЭЛЗҮЙ ДАГАХ ӨЛСГӨЛӨН
Бид сэтгэл хөдлөлийн хэрэгцээгээ хоол хүнсээр хангахыг оролдох үед сэтгэл санаа дагах өлсгөлөн үүсдэг. Энэ нь сэтгэл санаа тавгүй үед ихэвчлэн илэрдэг ба сэтгэл санаагаа засахын тулд их идэх эсвэл огт хоолны дуршилгүй болдог. Иймээс сэтгэл санаа тогтворгүй үеүддээ идэж буй хоолоо хянах нь чухал юм.
АМТТАНД ТАТАГДАХ ӨЛСГӨЛӨН
Энэ нь тодорхой ямар нэг зүйл идэхийг хүсэх хүсэл юм. Амттай, чихэрлэг эсвэл халуун ногоотой хоол гэх мэт. Энэ үед тухайн хоолноос их хэмжээгээр бус бага хэмжээгээр идэж, хүслээ дарах хэлбэрээр өлсгөлөнг хянаж болно.
УХАМСАРТ ӨЛСГӨЛӨН
Энэ нь өлсөөгүй байгаа хэдий ч тухайн үеийн нөхцөл байдлаас хамаараад "идэх ёстой" гэж ухамсарлаад идэхийг хэлдэг. Ийм нөхцөл байдал үүсэх олон шалтгаан бий. Олон цаг машинаар явахын өмнө нэгмөр сайн идэж авах, өдрийн хоолоо оройтож идсэн хэдий ч оройн хоолоо хэт орой идэхгүйн тулд ойрхон дахиад нэг хооллох гэх мэт. Энэ төрлийн өлсгөлөн нь хооллох горим алдагдаж буйг илэрхийлэх нь бий. Тиймээс аль болох тогтмол цагт, тохиромжтой хэмжээгээр хооллохыг хичээгээрэй.
Сэтгэгдэл