С.Билгүүн Монголын тав дахь Их мастер болов

3 долоо хоног, 6 өдөр TIMES.MN

Хоёрдугаар сарын 27-29-нд Арабын Эмиратын Абу-Даби хотноо Олон улсын шатрын холбооны 90 дэх конгресс хуралдаж, шинэ цолтнуудыг баталжээ.

 

 

Шинэ цолын болзол хүлээж буй олон улсын 30 их мастерийн (Grand Master) дунд Монголын 22 настай шатарчин Сумьяагийн Билгүүн багтав. Тэрбээр өөрийн чансааг 2497-д хүргэж, их мастерийн гурван баллыг Швейцар, Португал, БНХАУ-ын нэр хүндтэй тэмцээнд 2018-2019 онд биелүүлсэн билээ. Мөн тус конгрессоор Монголын 20 настай залуу шатарчин Цогбаярын Бат-Эрдэнэ олон улсын мастер (International Master) цолд хүрчээ.



Ховд аймгийн Зэрэг сумын уугуул С.Билгүүн нь ийнхүү Монголын эрэгтэй шатарчдаас төрсөн олон улсын тавдахь их мастер болж байна. Түүнээс өмнө Б.Хатанбаатар (Завхан, Дархан-Уул), Д.Шаравдорж (Говь-Алтай), Ц.Батчулуун (Баянхонгор), Б.Гүндаваа (Өвөрхангай) нар их мастер цолд хүрээд байв.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.