Нийгэм


Хөрсний усны түвшин дээшилснээс зарим өрхийн гэр, байшин, хашаа мөсөнд автаад байна

2 долоо хоног TIMES.MN

Хөрсний усны түвшин дээшилснээс Сонгинохайрхан дүүргийн 7 дугаар хорооны хэсэг айл өрхийн гэр байшин, хашаа мөсөнд автаж, иргэдийн амьдрах орчинд хүндрэлтэй байдал үүсч эхлээд байсан юм. Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр дээрх иргэдийн төлөөллийг хүлээн авч, тулгамдсан асуудлыг шийдвэрлэх зорилгоор тухайн тойргоос сонгогдсон НИТХ-ийн төлөөлөгчид, Сонигинохайрхан дүүргийн Засаг даргын Тамгын газар, мэргэжлийн байгууллага болох Геодези, усны барилга байгууламж ОНӨААТҮГ, Ус сувгийн удирдах газар ОНӨААТҮГ-ын инженер, техникийн ажилтнуудтай хамтарсан хурлыг зохион байгууллаа.

Хурлаар тус хорооны нутаг дэвсгэрийн хөрсний усны түвшинг хэрхэн бууруулах, хашаа байшинг ус, мөсөнд нэмж автуулахгүй байх техникийн шийдлийн мэргэжлийн байгууллагуудтай ярилцлаа. Энэ өвөлдөө тухайн орчмын хөрсний ус, мөсийг өдөр тутам зайлуулах, нэмж мөстөхөөс сэргийлэх арга хэмжээ авч ажиллахыг Геодези, усны барилга байгууламж ОНӨААТҮГ-т үүрэг болголоо.

Цаашид хөрсний усны түвшин бууруулах барилга байгууламж барихын тулд эхний ээлжинд инженер геологийн судалгаа, зураг төсөл шаардлагатай тул нийслэлийн төсвийн хөрөнгөөр зураг төслийг боловсруулахаар шийдвэрлэлээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    1 долоо хоног, 6 өдөр [150.129.142.225]


зөв


Зочин    2 долоо хоног []


Бууруулах тухай битгий ярь зүгээр л айлуудыг нүүлгэх хэрэгтэй.