2019,12-Р Сар,24


СЭТГҮҮЛЧ:


TIMES.MN




Спорт


Токиогийн олимпын цэнгэлдэх хүрээлэнг анх удаа олон нийтэд үзүүллээ

1 сар, 3 долоо хоног TIMES.MN

Японы нийслэл Токио хотноо ирэх онд зохион байгуулах Олимп, Паралимпын наадмын төв цэнгэлдэх хүрээлэнг анх удаа олон нийтэд үзүүлжээ.


Шинэ цэнгэлдэх хүрээлэнгийн гүйлтийн замыг шалгах зорилгоор Олимпын наадмын онтой ижил тоо бүхий 2020 хүнийг сонгож, тэмцээн зохиосон байна. Зарим хүмүүс 400 метр гүйлтийн замыг тойрсон бол зарим нь 50 метрийн буухиа гүйлтэд оролцжээ.


Энэхүү төв цэнгэлдэх хүрээлэнд ирэх оны Токиогийн Олимпийн нээлт, хаалтын үйл ажиллагааг зохион байгуулна. Мөн 60 мянга орчим суудалтай шинэ цэнгэлдэхэд гүйлт, хөл бөмбөгийн тэмцээнүүд болох юм байна.


Дизайны хувьд Япон барилгын уламжлалт хэв маягийг шингээхээс гадна орчин үеийн шийдлийг оруулж өгчээ. Цэнгэлдэхийн дээврийг гэхэд л 47 мужаас авчирсан ган болон модоор хийсэн байна. Уг бүтээн байгуулалтад нийт 152.9 тэрбум иен буюу 1.4 тэрбум ам.доллар зарцуулжээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.