Зөвлөгөө


Өдөр бүр үсээ угаахын сөрөг талууд

1 сар TIMES.MN
Та өдөр болгон үсээ угаадаг уу? Зөвхөн үсэндээ шампунь нялахын тулд л өглөө бүр эртлэн босдог уу? Үсээ угаахгүйгээр ганц хонох тухай бодохыг ч тэвчиж чаддаггүй хүн та мөн үү? Хэрвээ тийм бол энэ бүхнээ зогсоох цаг иржээ. Өдөр бүр үсээ угааж байж л таны тэр өдөр сайхан байдаг бол энэ нь үнэндээ эсрэг зүйл юм. Гэхдээ дараах 7 шалтгааныг мэдсэн тохиолдолд та ганц хоёр өдөр үсээ угаалгүй тэвчиж сурахаас өөр аргагүйд хүрнэ.

Шалтгаан 1: Та шампуньдах бүрдээ үсний гадна талын хэсгийг идэвхтэйгээр нээж байна гэсэн үг. Үсний гадна талын хэсэг нь үсний өнгийг хадгалдаг хэсэг бөгөөд үүнийг өдөр бүр угааж, нээснээр хоёр хоногт нэг удаа угааснаас 2 дахин их хэмжээгээр үснийхээ өнгийг алдагдуулж байна гэсэн үг.

Шалтгаан 2: Ороосон үс чинь тавхан минутын дотор суларч уначихаад байна уу? Бага зэргийн тослог нь үсний хэлбэрийг илүү сайн хадгалагдахад тустай байдаг.

Шалтгаан 3: Өдөр бүр угааснаар үс болон хуйхны өөрийнх нь тослог үгүй болдог. Энэ тос нь үсийг эрүүл, гялалзсан байх үндэс юм.

Шалтгаан 4: Угаахгүйгээр нэг хоноход үсний өөрийнх нь тослог гялалзаж боломжтой болдог. Мөн энэ нь цахилгаанжилт болон буржгарыг ч дардаг. Хэрвээ та буржгар үстэй атлаа өдөр бүр угаадаг бол энэ нь таны үсний томоохон асуудлыг үүсгэж байна гэсэн үг.

Шалтгаан 5: Үсээ угаах бүрт үсээ сэнсдэх, индүүдэх шаардлага гардаг. Харин халуун үсэнд чинь таагүй байдлаар нөлөөлж, үсийг хуурайшуулж гэмтээдэг.

Шалтгаан 6: Шампунь болон ангижруулагч нь тийм хямд төсөр зүйлс биш. Өдөр бүрийн хэрэглээ нь эдгээрийг хурдан дуусахад хүргэнэ. Шалтгаан 7: Олонх хүмүүс үсээ өдөр бүр угаахгүй байдгаас болж тослогтдог гэж боддог. Гэтэл үнэндээ үс арчилгааны бүтээгдэхүүнүүд нь үсийг тослогтуулж байдаг. Шампунь, ангижруулагч ч мөн ялгаагүй.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    4 долоо хоног [103.14.38.130]


үсээ өдөр болгон угаавал, үс чинь хатуу болж, ХУРАЙШИНЭ. ЯВААНДАА ИХ ХЭМЖЭЭГЭЭР УНАХ БОЛНО. ҮСИЙГ 7 ХОНОГТ 1-2 УДАА УГААХ ЁСТОЙ ГЭЖ ЭМЧ НАР ЗӨВЛӨЖ БАЙДАГ.