LIVE


Ц.Нямдорж: Б.Содномдаржаа, Т.Чимэгээ нарыг шүүх суллатал эмнэлэгт байлгаж байгаад гаргана

1 сар TIMES.MN

Хууль зүй, дотоод хэргийн сайд Ц.Нямдорж Засгийн газрын хуралдаанаар хэлэлцсэн “Эрдэнэт” үйлдвэртэй холбоотой асуудлаар мэдээлэл хийхдээ С.Зориг агсныг амь насыг хороосон хэрэгтэй холбоотой сүүлийн үеийн мэдээллийг өглөө.

Тэрээр “Би С.Зориг агсны амь насыг хороосон хэрэгтэй холбоотой асуудлаар жич мэдээлэл хийнэ. Энэ хэрэгтэй холбогдуулан хүмүүсийг яллахдаа 1937 онд ашиглаж байсан эрүүдэн шүүх ажиллагааг ашигласан. Би энэ асуудлыг анхнаас нь ярьж байсан. Ингэхдээ хаврын синдром тусчихаад яриагүй юм шүү дээ. Айлын хашаанд хүний цогцос авч ирээд хаячихсан байхаар нь хүний нүдэнд ил ийм зүйл хийж байгаа хүмүүс далд үүнээс ч аюултай юм хийж байгаа гэж мэргэжлийнхээ үүднээс мэдэрсэн юм.

Энэ хэргийг хэрхэн шийдвэрлэсэнтэй холбоотойгоор мөрдөн байцаалтын ажиллагаа явагдаж байгаа. ҮАБЗ мэдээллийг нь сонсох байх. Тагнуулын хоёр ажилтныг цагдан хорьсон. ТЕГ-аас ШШГЕГ-т томилогдож очоод энэ ажиллагааг зохион байгуулахад оролцсон нэг хүнийг хорьсон. Би сайдаар томилогдоод “ТЕГ-т ажиллаж байсан ахлах дэслэгч цолтой хүн хурандаа цол авчихаад яахаараа ШШГЕГ-т удирдах алба хашдаг юм бэ” гээд ажлаас нь чөлөөлснийг санаж байгаа байх. Энэ хүнийг шалгаж байгаа. Цаашаа шалгалт үргэлжилнэ. Би энэ хэргээр ял сонсоод байгаа хоёр ялтантай очиж уулзсан. Хийгээгүй хэрэгт хилсээр шийтгүүлсэн гэм зэмгүй хүмүүс хүйтэн камерт яаж амьдардгийг нүдээр үзье гэж би очсон юм. Аль аль нь 40 гаруй насны хүмүүс 20-25 жилийн ял авсан. Ийм хэмжээний ял авсан хүмүүс шоронд тэснэ гэж байдаггүй юм. Ялангуяа чанга дэглэмд хоригдож байгаа хүн. Би тэр эмэгтэй нь ч уулзсан. Б.Содномдаржаатай нь ч уулзсан. Өчигдөр хоёуланг нь эмнэлэгт хэвтүүлсэн. Миний чадаж байгаа юм энэ. Цаашдаа шүүх суллатал эмнэлэгт байлгаж байгаад гаргана гэж бодож байгаа. Би Монгол Улсын Хууль зүй, дотоод хэргийн сайдын хувьд Б.Содномдаржаа, Т.Чимэгээ нарын ар гэрээс уучлалт гуйж байна. Би амьдралдаа уучлалт гуйж үзээгүй хүн. Одоо харин уучлалт гуйж байна. Тэдэнд энэ хэргийг тохохын тулд аймшигтай аргуудыг хэрэглэсэн. Би энэ хэргийн төлөө тултал нь явна. ” гэлээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    1 сар []


16 ХҮРЭЭГҮЙ ЖААХАН ХҮҮ, 23 ТАЙ 3-Н НЯЛХ НОЙТОН ХҮҮХЭДТЭЙ ХҮҮХЭН, 24 ТЭЙ ХӨДӨӨНИЙ ЧЕНЖ ГУРАВ ХЭЗЭЭ Ч ХАРААГҮЙ ТӨРИЙН САЙДЫГ АЛАХ ГЭЭД ХӨДӨӨНӨӨС ГУТЛЫН ҮДЭЭС СҮХ ХУТГА АВААД ТАКСИД СУУГААД ХОТОД ИРЭЭД АМЬТАН ХҮНЭЭС АСУУЖ СУРСААР ЯВААД ГЭРТ НЬ ИРЭЭД . АВГАЙД НЬ ХЭРЭГ ЗОРИГ ХЭТИЙН ТӨЛӨВЛӨГӨӨГӨӨ ЯРЬЖ ХЭЛЭЛЦЭЭД, САЙХАН МАХ ЧАНУУЛЖ ИДЭЭД БУУ ХАЛЖ ТАМХИЛААД. ГАРАХДАА ҮДЭЭСЭЭРЭЭ 2 ХУРУУГ НЬ БООЖ ӨГӨӨД ЯВСАН ГЭЖ БАЙГААН.


Зочин    1 сар []


ТЭГЭЭД БОЛООГҮЙ ГАРАХДАА БАЯРЛАЛАА БАЙЯРТАЙ ГЭЭ БАЙЛГҮЙ. ДАРААГЫНХАА АЙЛД ОЧИЖ ЗОЛГОНОО ГЭЭД ГАРСАН ГЭСЭН. ЦАГААН САРААР АЙЛ ХЭСДЭГ ШИГЭЭ....


Зочин    1 сар []


6 ХҮРЭЭГҮЙ ЖААХАН ХҮҮ, 23 ТАЙ 3-Н НЯЛХ НОЙТОН ХҮҮХЭДТЭЙ ХҮҮХЭН, 24 ТЭЙ ХӨДӨӨНИЙ ЧЕНЖ ГУРАВ ХЭЗЭЭ Ч ХАРААГҮЙ ТӨРИЙН САЙДЫГ АЛАХ ГЭЭД ХӨДӨӨНӨӨС ГУТЛЫН ҮДЭЭС СҮХ ХУТГА АВААД ТАКСИД СУУГААД ХОТОД ИРЭЭД АМЬТАН ХҮНЭЭС АСУУЖ СУРСААР ЯВААД ГЭРТ НЬ ИРЭЭД . АВГАЙД НЬ ХЭРЭГ ЗОРИГ ХЭТИЙН ТӨЛӨВЛӨГӨӨГӨӨ ЯРЬЖ ХЭЛЭЛЦЭЭД, САЙХАН МАХ ЧАНУУЛЖ ИДЭЭД БУУ ХАЛЖ ТАМХИЛААД. ГАРАХДАА ҮДЭЭСЭЭРЭЭ 2 ХУРУУГ НЬ БООЖ ӨГӨӨД ЯВСАН ГЭЖ БАЙГААН.


Зочин    1 сар []


ТЭГЭЭД БОЛООГҮЙ ГАРАХДАА БАЯРЛАЛАА БАЙЯРТАЙ ГЭЭ БАЙЛГҮЙ. ДАРААГЫНХАА АЙЛД ОЧИЖ ЗОЛГОНОО ГЭЭД ГАРСАН ГЭСЭН. ЦАГААН САРААР АЙЛ ХЭСДЭГ ШИГЭЭ....


Зочин    1 сар [203.91.118.247]


Нямка сайн байнаа,,, Эбэ, Хурц 2-ыг хурдан барьж хориоч ээ, Тэр 2 л хийсэн ажил биз дээ