Нийгэм


Гал түймэр унтраах багаж, хөдөлмөр хамгаалалын хувцас хэрэгслийг хүлээлгэн өглөө

1 сар TIMES.MN

  Онцгой байдлын ерөнхий газраас Австрали Улсын Засгийн газрын буцалтгүй тусламжаар “Монгол Улсын Сэлэнгэ, Хэнтий аймгуудын зарим сумдын Гал түймэртэй тэмцэх сайн дурын хэсгийн гал түймэр унтраах чадавхыг нэмэгдүүлэх төсөл”-ийг хэрэгжүүлж байгаа билээ.

 Төсөл хэрэгжиж буй Сэлэнгэ аймгийн Баруунбүрэн, Ерөө, Мандал, Хүдэр сумын Гал түймэртэй тэмцэх сайн дурын бүлгүүдэд 9 нэр төрлийн гал түймэр унтраах багаж, хөдөлмөр хамгаалалын хувцас хэрэгслийг хүлээлгэн өглөө.

 Гал унтраах зориулалтын багаж хэрэгслийг ОБЕГ-ын Гал түймэртэй тэмцэх газрын хэлтсийн дарга, дэд хурандаа Г.Галбадрах, Австрали улсын тусламжийн хөтөлбөр хариуцсан нэгдүгээр нарийн бичгийн дарга Шейн Маккен нар гардуулан өгсөн юм.

 “Монгол Улсын Сэлэнгэ, Хэнтий аймгуудын зарим сумдын Гал түймэртэй тэмцэх сайн дурын хэсгийн гал түймэр унтраах чадавхыг нэмэгдүүлэх төсөл” нь дээрх аймгуудын зарим сумдын Гал түймэртэй тэмцэх сайн дурын хэсгийг чадавхжуулж, ард иргэдэд ой, хээрийн түймрээс урьдчилан сэргийлэх сургалтыг зохион байгуулж, дадлагажуулах зорилготой юм гэж Онцгой байдлын ерөнхий газраас мэдээллээ.  




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.