21.8 мянган өрх, 9.5 сая мал отроор өвөлжиж, хаваржина
9 цаг, 18 минут
Хилийн чанадад үйлдсэн итгэмжлэлийг нотариатаас хүлээн авна
10 цаг, 21 минут
Н.Сугар: 2023 оны төсвийн төслөөс Сэлбэ голын төслийн санхү…
10 цаг, 57 минут
Дархан-Уул аймагт шатахууны нөөцийн сав шатсаны улмаас нэг …
11 цаг, 17 минут
“МИАТ” ТӨХК Ази, Европын чиглэлд ачаа тээврийн нислэг үйлдэ…
11 цаг, 57 минут
“Эрдэнэс Монгол” ХХК-ийн гүйцэтгэх захирал С.Наранцогт ажла…
12 цаг, 35 минут
Мөсөн дээр наалдан амьдаараа тарчилж буй цагаан зээрийг авр…
13 цаг, 39 минут
Ирэх даваа гарагаас нэгдүгээр эгнээгээр зөвхөн нийтийн тээв…
13 цаг, 42 минут
Энэ сард болох барилдааны хуваарь
13 цаг, 45 минут
“Тэс Петролиум” ХХК-ийн шатахууны нөөцийн сав шатаж байна
15 цаг, 41 минут
БНХАУ-аас 224 автобус оруулж ирнэ
15 цаг, 50 минут
ФОТО: 2022 MAMA Awards
15 цаг, 53 минут
“Сая төгрөгийн тэтгэмжээс илүү сар бүрийн цалин хэрэгтэй”
16 цаг, 16 минут
Д.Амарбаясгалан: Дарханы төмөрлөгийн үйлдвэрээс 1.2 их наяд…
1 өдөр, 10 цаг
УЕПГ: Хөгжлийн банкны албан тушаалтнуудад холбогдох эрүүгий…
1 өдөр, 11 цаг
Элчин сайд асан Шимизү Такэнори нарын 13 хүнийг Монголын од…
1 өдөр, 12 цаг
Монгол, Японы тусгай стратегийн түншлэлийг байгуулах хамтар…
1 өдөр, 13 цаг
“Эрдэнэс Монгол” компанийн Гүйцэтгэх захирлаар С.Наранцогты…
1 өдөр, 14 цаг
С.Нандин "Miss Earth" тэмцээнээс мөнгөн медаль хүртлээ
1 өдөр, 15 цаг
Ц.Алтансүх: Шахмал түлшний нөөц хангалттай байгаа
1 өдөр, 15 цаг
Улсын дээд шүүхийн шүүгчид нэр дэвшигчдийн хэн нь хэн бэ?
1 өдөр, 16 цаг
Гавьяат тамирчин М.Анхцэцэг тэргүүтэй дөрвөн тамирчин ДАШТ-…
1 өдөр, 16 цаг
Дэд хурандаа Б.Алтанзул: Сургалтын төв маань улам өргөжинө …
2 өдөр, 9 цаг
​Эрх зүйн мэргэжилтнүүдийг бэлтгэхэд ХБНГУ-тай хамтарна
2 өдөр, 10 цаг
Бусдыг согтууруулах ундаа хэрэглэхийг шаардсан хүн ирэх оны…
2 өдөр, 10 цаг
Шинэ Хархорум хот байгуулах УИХ-ын тогтоолын төсөл өргөн ба…
2 өдөр, 10 цаг
Гавьяат тамирчин Ц.Цогтбаатар “Токио-2022” их дуулгад зодог…
2 өдөр, 11 цаг
Н.Тавинбэх: Цахилгаан тасална. Гэхдээ энэ бол бодит байдал …
2 өдөр, 11 цаг
ОБЕГ: Иргэдийг цасан шуурганаар зорчихгүй байхыг сэрэмжлүүл…
2 өдөр, 12 цаг
Иргэд банкаар үйлчлүүлэхдээ Иргэний үнэмлэхээ авчрах шаардл…
2 өдөр, 12 цаг
Ерөнхийлөгч У.Хүрэлсүхийн Бээжинд хийсэн нэг өдрийн айлчлал…
2 өдөр, 13 цаг
Г.Занданшатар: Архины үйлдвэрлэл эрхлэх зөвшөөрлийг дуудлаг…
2 өдөр, 13 цаг
Батлан хамгаалахын сайд БНХАУ-д албан ёсны айлчлал хийлээ
2 өдөр, 13 цаг
Misheel walking street-д яг одоо Ulaanbaatar cup 2022 арга …
2 өдөр, 13 цаг
Монгол Улсын Ерөнхийлөгч У.Хүрэлсүх Япон Улсад төрийн айлчл…
2 өдөр, 13 цаг
Хятадын төв телевиз ДАШТ-ийг дамжуулахдаа амны хаалтгүй хөг…
2 өдөр, 13 цаг
Монгол улсын агаарын зайн 80 хувь шинэчлэгдлээ
3 өдөр, 9 цаг
Ц.Мөнхцэцэг: Улс төрийг бохир мөнгөний урсгалаас цэвэрлэх ц…
3 өдөр, 11 цаг
Ерөнхийлөгч У.Хүрэлсүхэд БНХАУ-ын Төрийн зөвлөлийн Ерөнхий …
3 өдөр, 12 цаг
Ж.Ганбаатар:Ангарскийн үйлдвэрт гарсан гал АИ-92 шатахуун т…
3 өдөр, 12 цаг
Завханы Баянтэсд -41, Тосонцэнгэл, Отгон суманд -40 градус …
3 өдөр, 12 цаг
ОУХМ Б.Шоовдор Монгол Улсын гавьяат тамирчин боллоо
3 өдөр, 15 цаг
Шинэ Зеландын сургуулийн сурагчид зуун хоногийн дотор 600 х…
3 өдөр, 15 цаг
Хятад удирдлагатай самрын сүлжээ Монголд мөнгө угаадаг уу?!
3 өдөр, 16 цаг
Зүүнбаян-Ханги чиглэлийн төмөр зам ашиглалтад орлоо
6 өдөр, 12 цаг
Л.Энх-Амгалан: Цахимаар хичээллэх нь цэцэрлэг болон бага ан…
6 өдөр, 12 цаг
COVID-19: Улаанбаатар 70, орон нутагт 92 тохиолдол батлагдл…
6 өдөр, 13 цаг
З.Шинэчагтга бооцооны 300 сая төгрөгөө Э.Цэндбаатарт өгчээ
6 өдөр, 14 цаг
Онц хэрцгийгээр хүний аминд хүрсэн 11 настай хүүд холбогдох…
6 өдөр, 14 цаг
Академич Д.Доржготовт хоёр өрөө байр олгохоор болжээ
6 өдөр, 14 цаг

Монголчууд аюулт өвчнөөс илүү архины өмнө хүчин мөхөстөж байна

Андын холбоос архи биш гэсэн агуулгыг Монголчууд нийтээрээ ойлгох, дор бүрдээ  ухамсарлахаас аргагүй цаг ирж. Алгуурлах хугацаа бараг үлдсэнгүй. Үгүй бол хэлж ирдэггүй өвчин, зовлонгоор  биш  архинаас болсон ахуйн ослоор л эрүүл чийрэг, ид насны иргэдээ хэдэн зуу, мянгаар нь зуурдаар алдаж дуусаж мэдэхээр боллоо. Нэг ёсондоо монголчууд аюулт өвчин биш архины өмнө хүчин мөхөстөж байгааг баримт хангалттай хэлж өгч байна. 

Албан ёсны статистикаас харвал манай улсын 21-ээс дээш насны нэг иргэнд жилд 55 литр архи, согтууруулах ундаа ногдож байна. Бүр нарийвчилбал, үүний 12 литр нь хатуулаг өндөртэй буюу спирт, 42 литр нь шар айраг болон бусад согтууруулах ундаа байгаа нь дэлхийн дунджаас даруй хоёр дахин өндөр үзүүлэлт юм. Уг нь ДЭМБ-аас тухайн улс орны нэг хүнд ногдох согтууруулах ундаа 8-9 литр байхад л үндэсний аюулгүй байдалд аюул учирч байна гэж үздэг. Гэтэл манай улсынх 12 литрт хүрсэн нь онц ноцтой гэж улаанаар тэмдэглэхээс аргагүй болсныг мэргэжлийн байгууллагууд хөндсөөр байгаа.

Гурван сая иргэний 100 мянган хүн амд ноогдох тоогоор авч үзвэл архины шалтгаант нас баралтаар дэлхийд бид тэргүүлж байгаа. Өөрөөр хэлбэл, хамгийн өндөр хэрэглээтэй нь Беларусь, Монгол Улс болж архинаас шалтгаалж нас барахаас гадна зохисгүй хэрэглээгээрээ мөн л дэлхийд хар тамга даруулах хэмжээнд хүрчээ. Гэтэл энэ үзүүлэлт буурах нь битгий хэл  согтууруулах ундааны хэрэглээ жил ирэх тусам нэмэгдэж байгаа нь үндэсний аюулгүй байдалд аюулын харанга дэлдэж, туйлдаа хүрчээ. 

 

АРХИНААС БОЛСОН АХУЙН ОСЛООР 2800 ХҮН НАС БАРЖЭЭ

 

Монголчууд нийтээрээ нэг л том дайсантай болж. Түүнтэй ухамсар, хандлагаараа л тэмцэхгүй бол төр засаг архи уухыг мянга түмэн удаа хориглож төмөр нүүрээ харуулаад эцсийн шийдвэр иргэний “тархи”-нд л бий. Дээр хэлсэнчлэн, архи яагаад ардын дайсан болов гэж үү. Цагдаагийн байгууллагын бүртгэл дээрээс багахан тоо нэмж, хасахад л  бидний өнөөгийн дүр зураг ядах юмгүй гараад ирнэ. Тодруулбал, архи, согтууруулах ундаа хэтрүүлэн хордлогод орж өдөрт нэг, сард 30, жилд 363  хүн амь насаа алдсаныг сүүлийн таван жилээр нь тоймлож харвал зөвхөн архины хордлогоор 1817 хүн нас барсан байна. Үүнээс гадна бас нэг харамсалтай тоо нь мөн л архи, согтууруулах ундаа хэтрүүлэн хэрэглэж сард долоо, жилд 89 хүн осгож амь насаа алдсан. Үүнийг сүүлийн таван жилээр нь харвал 447 хүн осгосон. Үүн дээр архи согтууруулах ундаа хэрэглэсэн үедээ замын хөдөлгөөнд оролцож амь насаа алдсан нь 600. Өөрөөр хэлбэл, 2864 хүн зөвхөн архитай холбоотой ахуйн ослоор амиа алдсан байх жишээтэй. Гэтэл тэдгээр хүмүүс хэн нэгэн шиг эдгэшгүй өвчин тусаж эмнэлгийн үүд сахиагүй. Ажил хөдөлмөр хийж амьдралын төлөө тэмцэж яваад үрэгдээгүй нь даанч харамсалтай. Эндээс харвал, архи хэтрүүлэн хэрэглэснээс болж хамгийн багаар бодоход арван мянган халуун ам бүлийн элэг эмтэрч, ах, дүү хамаатан садан нь гомдол, харуусал дүүрэн энэ хорвоод үлдэж байна. Архийг тааруулж хэрэглэсэн бол, огт хэрэглээгүй бол, магадгүй тэр өдөр найз нөхөд, ажлын хамтрагчид нь дуудаагүй бол гэсэн хэрвээгээр дүүрэн асуулттай  хоцорч байна. Тэгвэл архи согтууруулах ундаа нас баралтад хүргээд байгаа шалтгааны талаар Аддиктологийн төвийн донтолтын эмч Т.Түвшинжаргал “Нас баралтын гол шалтгаан нь архины хордлого буюу нэг дор их хэмжээгээр уух. Дараа нь хөлдөлт, осголт орно. Архи, согтууруулах ундааг нэг дор их хэмжээгээр хэрэглэснээс цоо эрүүл хүн нас барж байна. Байнгын тогтмол хэрэглээтэй бол хавсарсан өвчин, жишээлбэл, чихрийн шижин өвчинтэй хүн архи хэтрүүлэн хэрэглэснээс цусан дахь сахарын хэмжээ багассанаас шоконд орж нас бардаг. Эсвэл амьсгал боогдоод  зогсчихдог. Санамсаргүй тохиолдлын үед архи уухаараа ухаан алдсанаас бөөлжсөндөө огиж, хахна. Мөн тархи, зүрх, элэг зэрэг эд эрхтэн архинд хордсоноос дутагдалд ордог. Хүн хордлогод орсноор ухаан санаанд нь өөрчлөлт орж орон зай, орчноо мэдрэхээ больж ухаан алддаг. Олон төрлийн хордлого дундаас архиных маш хүчтэй, амь насанд хүрэх хэмжээний аюултай. Архины хордлогод орсон хүн эмнэлгийн тусламж үйлчилгээ аваад ч аврах боломж тааруу. Архи хүний эд эрхтнийг усгүйжүүлдэг учраас цусны өтгөрөл үүссэнээс цус харвах, зүрх зогсох өндөр эрсдэлтэй. Архи, согтууруулах ундаа хүний биед 60-70 өвчин үүсгэж байдаг. Эхэн үедээ мэдэгдэхгүй ч аажимдаа хордуулж, өвчин үүсгэдэг учраас хүмүүс мэддэггүй. Тэр бүр эмнэлэгт ханддаггүй” гэлээ. 

 

ХАГАС САЯ ХҮН ЭРҮҮЛЖҮҮЛЭГДЭЖ, 160 МЯНГАН СОГТУУ ЖОЛООЧ БҮРТГЭГДЖЭЭ

 

Ардын дайсан архидалт гэдгийг хэлж өгөх хоёр дахь баримт. Залуучууд ид хийж бүтээх насаа торны цаана өнгөрүүлж байгаагийн ихэнх нь бас л архины хорлол. Архи, согтууруулах ундаа хэрэглэж, бусдын биед өдөрт ес, сард 277, жилд 3326 хүн гэмтэл учруулжээ. Таван жилд 16.634 хүн ажил хийж гэр бүлээ халамжлах, улс орондоо баялаг бүтээх цаг хугацаагаа хуулийн байгууллагын үүд сахиж өнгөрүүлж байна. Үүнээс гадна эрүүлжүүлэгдсэн хүний тоо мөн л цочирдом. Архи, согтууруулах ундаа хэтрүүлэн хэрэглэж өдөрт 231, сард 6935, жилд 83231 хүн эрүүлжүүлэгдсэнийг таван жилээр нь нэмбэл  416.159 хүн болж байна. Өөрөөр хэлбэл, хагас сая хүн халуун ам бүлтэйгээ биш хүйтэн торны цаана хоног төөрүүлжээ. Үүний цаана цагдаад бүртгэгдээгүй ч их бий. Үүн дээр архинаас үүдэлтэй осол гэмтлийн тоог нэмбэл муухайгаар зүйрлэвэл “дайн” самуунтай орон шиг л байна. Сүүлийн таван жилд согтуугаар тээврийн хэрэгсэл жолоодож зам тээврийн осол гаргасан хүн 5152, гэмтсэн 897, согтуугаар тээврийн хэрэгсэл жолоодсон 163582 байх юм. Энэ бүхнээс харвал монголчууд архинд живсэн гэж хэлэхэд ер хилсдэхээргүй болжээ. Хүний амь нас хохирсон, гэмт хэрэг үйлдсэн, эрүүлжүүлэгдсэн гээд архины хамаарлаас үүдэлтэй эдийн засгийн хохирлыг тооцож барахгүй биз.

Уг нь эрдэнэт хүний алтан амийг аюулт өвчин л дийлдэг бол одоо архи ядах юмгүй ялж, үлдсэнийх нь амьдралыг төмөр торны цаана суулгаж орвонгоор нь эргүүлж байна. Үндсэндээ нийтээрээ архийг жигшиж, бүр болохгүй юмаа гэхэд соёлтой боловсон хэрэглэж дадвал бидний хүсдэг аз жаргалтай нийгэм цогцлоход том ахиц гарахаар байна. Харин эцсийн эцэст амьдралаа бүтэн авч үлдэх ухаан хувь хүний зүрх сэтгэл, ухамсарт л бий. Өөр юунд ч найдаад нэмэргүй. Тиймээс ардын дайсан болсон архидалттай одоо л тэмцэхгүй бол хожимдох нь ээ.

Цагдаагийн байгууллагаас арваннэгдүгээр сар болон арванхоёрдугаар сарыг бүхэлд нь архи согтууруулах ундааны зохисгүй хэрэглээнээс үүдэлтэй хүн амын эрүүл мэнд, нийгмийн аюулгүй байдал, эдийн засагт үзүүлэх сөрөг нөлөөллийг бууруулах, хорт зуршлаас ангид шинэ үеийг төлөвшүүлэх зорилготой “Намайг алгас” аяныг зарлаад байна. Энэ хүрээнд хамт олон найз нөхдийн архидалт, хавтгайрсан хэрэглээнээс залуу үеийг татгалзах, чөлөөт цагаа зөв болсон өнгөрүүлж гэр бүлдээ зарцуулах. Түүнчлэн бүх нийтэд хэрэглээний зөв соёл, хандлага, сонголтыг уриалж буй юм. Мөн архи согтууруулах ундаатай тэмцэх Төрийн тэргүүний зарлиг гарсан. Энэ талаар Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан “Архидалт, ажилгүйдлээс үүдэж айл гэр, нийгмийн амьдралд гарч байгаа сөрөг үр дагаварыг бууруулахын тулд аль алиныг нь орхигдуулж болохгүй.Хамтад нь цогц байдлаар хийнэ. Согтууруулах ундааны хэрэглээтэй холбоотойгоор архинд донтсон хүмүүс 6.2 хувьтай байна. 21-ээс дээш насныхны тархалтыг тоогоор нь харвал 90 мянга орчим байна. Хүн амины хэргийг авч үзэхэд согтууруулах ундааны шалтгаант гэмт хэрэг дунджаар 60 хувьтай байсан бол 2022 онд 88.7 хувь болж өссөн. Үүний цаана ихэвчлэн 38-40 градусын хатуулаг өндөртэй согтууруулах ундаа хэрэглэсэн шалтгаан өндөр хувийг эзэлж байгаа нь аюул юм. Архидалттай тэмцэх 10 жилийн цогц арга хэмжээ зарлаж байна гэсэн үг. Энэ хугацаанд хатуулгийг жил бүр хоёр хувиар бууруулна. Мөн боловсролын сургалтын агуулгад тусгаж өгөх зэргээр бодлогын цогц арга хэмжээг хэрэгжүүлэх бодит хүлээлттэй байгаа” гэж манай сонинд ярилаа.

Эх сурвалж: “Зууны мэдээ” сонин

Сэтгэгдэл