Нийгэм


Он гарсаар Баян-Өлгий аймгийн 62 иргэн угаарын хийд хорджээ

1 долоо хоног TIMES.MN

Баян-Өлгий аймгийн хэмжээнд он гарсаар 16 айлын 62 иргэн угаарын хийн хордлогын улмаас Нэгдсэн эмнэлэгт хандаж, эмчлүүлжээ.


Аймгийн Мэргэжлийн хяналтын газраас угаарын хийн голомтын тандалт судалгаа хийхэд энгийн зуухны бүрэн бүтэн байдал алдагдсан, ширэм цоорсон, зуух цоорсон, яндан богино, пийшин хөөлөх үед авсан тоосго бүрэн битүүмжлээгүйгээс угаарын хийн хордлогод иргэд өртөж байгаа аж. Иймд угаарын хийн хордлогоос урьдчилан сэргийлэж, яндангаа 1 метр өндөрлөх, яндангийн болон зуухны бүрэн бүтэн байдлыг хангахыг иргэдэд сэрэмжлүүлжээ.


Түүнчлэн Өлгий сумын тавдугаар багт байрлалтай 8 айлын орон сууцны иргэдээс "Тус байр нь өвөлдөө маш хүйтэн, дулаан алдагдал ихтэй" гэсэн гомдлын дагуу шалгалт хийж, гүйцэтгэгч компанид хугацаат үүрэг даалгавар өгөн, байрны гадна талд 10 см хөөсөөр дулаалга хийлгүүлжээ.



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.