Нийгэм


Хөвсгөл нуурын их тахилгыг хийнэ

1 сар TIMES.MN

Хөвсгөл аймгийн Мөрөнгийн хүрээ Гандандаржайлан хийдээс зуны адаг сарын шинийн 13-ны лусын буулттай, рашааны барилдлагатай өдөр буюу энэ сарын 25-нд Хөвсгөл далайн их тахилгыг хийх гэж байна. Их тахилгад Мөрөнгийн хүрээний 40 орчим лам хувраг хүрэлцэн ирж лусын номнуудыг уншиж, сэржим өргөж даллага авах ба тахилгад ирсэн иргэдийн хүссэн номыг газар дээр нь уншиж Далай ээждээ хүндэтгэл үзүүлэн хамтдаа залбирах аж. “Сүүлийн жилүүдэд Хөвсгөл далайд лам хуврагууд сан тавьж ном уншиж байсан боловч энэ жилийн хувьд эрт дээр үеийн Хөвсгөл далайг тахьдаг байсан хуучны дэг ёсыг сэргээж анх удаа их тахилга үйлдэхээрээ онцлог” гэдгийг Мөрөнгийн хүрээ Гандандаржайлан хийдийн Ловон лам М.Мөнхбат хэлж байна.

Иргэд сүсэгтэн олон их тахилгад хүрэлцэн ирснээр цэнгэг тунгалаг, ариун тансагаараа хойчийн үедээ өвлөгдөн ирсэн байгаль дэлхийн ариун дагшин бүтээл Хөвсгөл далайгаасаа эрч хүч авч буянаа аривжуулан номын дуунд даган баясах боломжтой.



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.