Нийгэм


Нийслэлийн 15 гудамжны талбайг хатуу хучилттай болголоо

4 сар, 3 долоо хоног TIMES.MN

Улаанбаатар хотын Захирагчийн 2016-2020 оны үйл ажиллагааны хөтөлбөрийн 3-53-ийн 3.3.4-т Хотын тоосжилтыг бууруулах зорилгоор сул шороон хөрс бүхий талбайг хатуу хучилттай болгох ажлын хүрээнд 10 байршлын 15 гудамж зам талбайн 9771 м2 талбайд стандартын шаардлагад нийцсэн явган замыг нэмэгдүүлэх ажлыг зохион байгуулахаар Улаанбаатар хотын Ерөнхий менежерийн 2018 оны А/95 тушаалыг гарган төлөвлөгөөний дагуу ажиллаж байна. Мөн судалгаанд хамрагдсан байршлуудад явган замын хавтанг хэрхэн ямар загвар шийдлээр тавих талаар заавар зөвлөмж гаргаж мэргэжлийн компаниудтай хамтран ажиллаж байна.

Бага тойруугийн гудамж 995 м2

Партизан, Цэрэндорж, Элчин, Чагдаржавын гудамж 880 м2

Жасрайн гудамж /4 замын уулзвар/ 890 м2

С.Зоригийн гудамж 885 м2

Эрхүү, Токио, Ханддоржийн гудамж 880 м2

Лааганы гудамж 875 м2

С.Шарав, Занабазарын гудамж 875 м2

Юнескогийн гудамж 875 м2

Олимпийн гудамжны хуучин хавтанг хуулан авч заагдсан гудамж талбайд шилжүүлж тавих багц-1 1308 м2

Олимпийн гудамжны хуучин хавтанг хуулан авч заагдсан гудамж талбайд шилжүүлж тавих багц-2 1308 м2

2018.05.23-наас 2018.06.10-ны өдрүүдийн хооронд хийж гүйцэтгэж иргэдийн явганаар зорчих, ажиллах нөхцөл бололцоог бүрдүүлэн хотын тоосжилтыг бууруулан ажиллав гэж Улаанбаатар хотын Захирагчийн ажлын албанаас мэдээллээ.





Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.