Улс төр


Монголчуудын 7.4 хувь нь иодын, 42.4 хувь нь витамин Д-ийн дутагдалтай байна

5 сар, 1 долоо хоног TIMES.MN

УИХ-ын Байгаль орчин, хүнс, хөдөө аж ахуйн байнгын хороо өнөөдөр /2018.03.14/ Баяжуулсан хүнсний тухай хуулийн төслийн талаар үйлдвэрлэл эрхлэгчидтэй уулзалт, хэлэлцүүлэг зохион байгуулав.

Хэлэлцүүлэгт БОХХААБХ-ны дарга Л.Элдэв-Очир, УИХ-ын гишүүн А.Ундраа, Г.Тэмүүлэн нар болон НҮБ-ын Хүн амын сан, ХХААХҮЯ, Нийгмийн эрүүл мэндийн газар, хүнсний салбарын эрдэмтэн судлаачид, үйлдвэрлэгчдийн төлөөлөл оролцов.


Хэлэлцүүлгийн эхэнд УИХ-ын гишүүд Баяжуулсан хүнсний тухай хуулийн төслийн талаар танилцуулахдаа, манай улсын иргэдийн хүнсээр авч буй шаардлагатай эрдэс, амин дэмийн хэрэглээ хоногийн тундаа хүрэхгүй байгаа, тухайлбал хүн амын 7.4 хувь нь иодын, 21.4 хувь нь төмрийн, 32.4 хувь нь витамин А-гийн, 42.4 хувь нь витамин Д-ийн дутагдалтай байгааг онцлов.

Дараа нь салбарын судлаачид зарим судалгааны үр дүнгээсээ танилцуулсан юм. ШУТИС-ийн Үйлдвэрлэлийн технологийн сургуулийн захирал Ц.Зууннаст илтгэлдээ, монголчуудын хоол, хүнсний нэр төрөл цөөн төдийгүй бичил шимт бодисын хэрэглээ өрхийн орлого, суурьшил, амьдарч буй бүс нутаг болон нас хүйсээс хамаарахгүйгээр хангалтгүй байгааг дурдаад хэрэглэгчид хүнсний бүтээгдэхүүн худалдан авахдаа 70,7 хувь нь хадгалах хугацааг нь хардаг боловч шимт бодисын мэдээллийг 2.5-хан хувь нь анзаардаг байна гэлээ.

Судлаачид цаашид хүнсийг баяжуулж хэрэглэх зайлшгүй шаардлага байгааг дэмжихийн зэрэгцээ энэ нь дэлхий дахинд төдийгүй Монголд шинэ зүйл биш болохыг тэмдэглэв. Манай улсын хувьд 1990-ээд оны эхнээс давсыг иоджуулж хэрэглэснээр хүн амын дунд 30 хувьд хүрээд байсан бамбай, бахлуурын өвчлөлийг бууруулж, өнөөдөр 7,8 хувьд хүргэсэн байдаг. Түүнчлэн судлаач Г.Эрдэнэжаргал өнөөдөр 14 орон сүүг, 85 орон гурилыг, 27 орон ургамлын тосыг, 130 орон давсыг баяжуулан хэрэглэж байгааг дурдав.


Үйлдвэрлэгчдийг төлөөлж, “Сайн” сүүг Д амин дэмээр баяжуулан үйлдвэрлэж буй “АПУ дейри”, “Хурх” гурил үйлдвэрлэж буй “Хангай миллс” компаниуд туршлага, өнөөгийн байдлаа танилцуулсны дараа оролцогчид санал зөвлөмж хэлж, УИХ-ын гишүүд болон илтгэгчдээс асуулт асууж, хариулт авав.

Үйлдвэрлэгчдийн хувьд хуулийг гаргахаасаа өмнө нэг талаас үйлдвэрлэлийн арга технологи, хяналтын асуудлыг сайтар судалж, олон улсын лаборатори бий болгох, нөгөө талаас салбар тус бүрийн онцлог, түүхий эдийн нөөц, өрсөлдөөн, импортын нөхцөл байдлыг харгалзаж, хувийн салбарын өсөлтийг боомилохгүйгээр зохицуулалт хийх нь чухал байгааг хэлж байна гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Зочин    5 сар []


ЭНЭ АСУУДАЛ МОНГОЛ УЛСЫН АЮУЛГҮЙ БАЙДАЛТАЙ ХОЛБООТОЙ АСУУДАЛ БОЛЖ БНА НӨГӨӨ ХАМГААЛДАГ ХЭЛ, ХИЛ, МАЛ 3 МААНЬ ЮУ БОЛЖ БАЙНА МОНГОЛЧУУД ХЯТАД ХЭЛ СУРГАЛТАНД ХЯТАДЫН БОДЛОГООР БАРАГ СУРГАЛТЫН ЗАРДЛЫГ НЬ ДААЖ БАЙНА, ӨРӨНДӨӨ ХИЛЭЭ АЛДАЖ БОЛОХ 8 ОРНЫ ТООНД ОРСНЫГ ДЭЛХИЙН ОРНУУД ЗАРЛАЖ БНА, МАЛЫГ НЬ ӨВЧИН ТАРААГААД ДУУСГАХ НЬ ЗӨВХӨН МОНГОЛЧУУДАД ЗАРАХ ХОРТОЙ БАРАА БҮТЭЭГДЭХҮҮН Ч ЭРЭЭНИЙ ЗАХУУД ЗАРЖ ЭХЭЛЛЭЭ БИД МОНГОЛЫН ХИЛЭЭР ОРЖ ИРЖ БАЙГАА БАРААНД МАШ САЙН ХЯНАЛТ ШАЛГАЛТ ХИЙДЭГ БОЛОХ ХЭРЭГТЭЙ БНА, ХЯТАД ХҮНТЭЙ СУУСАН МОНГОЛ ЭМЭГТЭЙЧҮҮДИЙГ ХЯТАДЫН ИРГЭНШИЛ ОЛГОХ ЭДИЙН ЗАСГЫН ХУВЬД МӨНГӨН УРАМШҮҮЛАЛ ОЛГОХ БАЙР ОРОН СУУЦААР ХАНГАХ АЖИЛЛАГААГ ХИЛ ДАГУУХ ХОТУУДААР ЭРЧИМТЭЙ ХИЙЖ БНА. ДЭЛХИЙН УЛС ОРНУУД МОНГОЛ УЛСЫГ 30-40 ЖИЛИЙН ДАРАА ХЯТАДАД ДАГААР ОРНО ГЭЖ ДҮГНЭХ БОЛЛОО МОНГОЛЧУУД ЭВ ЭЕЭ НЭГТГЭЖ МОНГОЛ УЛСАА МОНГОЛ ХҮНИЙ ЭРҮҮЛ МЭНДИЙГ ХАМГААЛАХ ЦАГ БОЛСОН БАЙНА ТЭД БИДНИЙГ ДОТОР НЬ ХАГРАЛДУУЛЖ ЗӨЧИЛДҮҮЛЖ БУТАРГАХЫГ БОДОЖ БАЙНА. МОНГОЛ УЛСЫГ ГАЗАР НУТАГ ХҮН АМТАЙ НЬ ХЭДЭН ТЭР БУМ ЮУАНААР ХУДАЛДАЖ АВАХЫГ ЗОРЬЖ БАЙНА МОГОЛЧУУДАА СЭРЖ ТЭМЦЭХ ЦАГ БОЛСОН ШҮҮ.