Эдийн засаг


Экспортын нүүрсний 96 хувийг урд хөршдөө нийлүүлдэг

2 долоо хоног, 2 өдөр TIMES.MN

Coal Mongolia 2017 чуулган долоо дахь жилдээ болж байна


Нүүрсний салбарынхан буюу нүүрс олборлогч уурхайнууд, тэдгээрт бараа материал ханган нийлүүлэгчид, бодлого тодорхойлогчид болох Уул уурхай, хүнд үйлдвэрийн яам болон Эрчим хүчний яам, эдгээр яамдын агентлагийн мэргэжилтнүүд болон нүүрсний гол хэрэглэгчид болох урд хөршийн худалдан авагчид чуулж байна. Долоо дахь удаагийн чуулган Шангри Ла зочид буудалд эхэллээ.


Чуулганыг нээн Уул уурхай, хүнд үйлдвэрийн яамны дэд сайд Д.Загджав үг хэллээ. Энэ удаагийн чуулганд БНХАУ-ын Үндэсний нүүрсний ассоциацийн мэргэжилтнүүд оролцож байгаа юм. Иймд зөвхөн нүүрс олборлогчид төдийгүй нүүрс худалдан авагчид ч оролцсон хурал болж байна хэмээн салбарын мэргэжилтнүүд олзуурхаж байна.


Энэ удаагийн чуулганы гол зорилго нь нүүрсний экспортыг нэмэгдүүлэх гэдгийг зохион байгуулагч Л.Наранбаатар онцоллоо. Учир нь нүүрсний уурхайнууд бүх хүчин чадлаараа ажиллаж жилд 60 сая тонн нүүрс олборлосон. Гэвч өнгөрсөн онд үүний ердөө талыг буюу 26 сая тонн коксжих нүүрсийг экспортолсон байна. Иймд олборлосон бүх нүүрсээ нөөцлөөд байлгүй хурдан хугацаанд худалдах нь чухал байгаа аж.


Энэ оны эхний 7 сарын байдлаар манай улс 21 сая тонн нүүрс экспортолжээ. Энэ нь түүхэн дээд үзүүлэлт болсныг Уул уурхай, хүнд үйлдвэрийн сайд Ц.Дашдорж "Coal Mongolia 2017" чуулганд оролцогчдод илгээсэн мэндчилгээндээ онцолжээ.


Экспортын нүүрсний 96 хувийг бид урд хөршдөө нийлүүлдэг. Ингэснээр тус улсын импортын нүүрсний 40 хувийг монголын өндөр чанартай, коксжих нүүрс эзэлж байна. Энэ хувийг өсгөх арга замуудыг хайн, гарц эрэлхийлэх зорилгоор нүүрсний салбарынхан хуралдаж байна. Австрали улс нүүрсний худалдаагаараа Хятадын хамгийн том нийлүүлэгч. Гэвч тул улстай өрсөлдөх боломж одоогоор байхгүй гэдгийг "Монголын уул уурхай" корпорацийн захирал Г.Батцэнгэл илтгэлдээ онцолллоо.

“Монгол улсын нүүрсний салбарт хөрөнгө оруулалт татах, шинэ техник технологи нэвтрүүлэх, Азийн зах зээлд Монголын нүүрсний салбарын өрсөлдөх чадварыг нэмэгдүүлэх нь” уриан дор Монгол улсын засгийн газар, нүүрсний салбарт хөрөнгө оруулагч гадаад, дотоодын түншүүдийн идэвхитэй дэмжлэгтэйгээр долоо дахь жилдээ зохион байгуулагдаж буй “Coal Mongolia” чуулганы өнөөдрийн хөтөлбөрийг танилцуулж байна.


08:00

Зочдыг бүртгэх

09:00

Чуулганы нээлт, мэндчилгээ -Ж.Эрдэнэбат, МУ-ын Ерөнхий сайд -Сүн Шөүрэн, Хятадын Үндэсний Нүүрс ассоциацийн ерөнхий нарийн бичгийн дарга -Т.Наран, Монгол нүүрс ассоциацийн ерөнхийлөгч -Ц.Түмэнцогт, “Эрдэнэс Монгол” ХХК-ийн гүйцэтгэх захирал -Чан Вай Күэн, Фэнвэй Энержи Информэйшн Сервисез компанийн ТУЗ-ийн орлогч дарга -Л.Наранбаатар, Coal Mongolia чуулганыг үүсгэн байгуулагч, Минфо ХХК-ийн ерөнхий захирал

09:30

Чуулганы 1-р хэсэг: Нүүрсний салбарын өрсөлдөх чадварыг нэмэгдүүлэх нь

09:30

Ц.Дашдорж, Уул уурхай, Хүнд үйлдвэрийн сайд “Нүүрсний салбарын бодлого, төлөвлөлт- Хөрөнгө оруулалт, хууль эрхзүйн орчин”

10:00

Г.Батцэнгэл, Гүйцэтгэх захирал, Монголын уул уурхайн корпораци “Монголын Уул Уурхайн Корпораци-өнөөгийн нөхцөл байдал, чиг хандлага”

10:30

Т.Гантөмөр, Ерөнхийлөгч, Очир Ундраа групп “Уул уурхайн үйлдвэрлэлийн өрсөлдөх чадварыг нэмэгдүүлэх шийдлүүд-Бидний оролцоо”

11:00

Цай, кофены завсарлага, хэвлэлийн хурал (Ивээн тэтгэгч: Гложекс Консалтинг ХХК)

11:30

Кэлвин Каукинэн, Ерөнхий захирал, Вагнер Ази Тоног төхөөрөмж ХХК “Өрсөлдөх чадварт техник, технологийн гүйцэтгэх үүрэг”

12:00

М.Тулгат: Стратеги хариуцсан захирал, “Хишиг Арвин Индустриал” ХХК “Үндэсний гэрээт компаниудын хөгжил, цаашдын боломж”

12:30

Сэдвийн хэлэлцүүлэг Модератор: Б.Мөнхдөл, Гүйцэтгэх захирал, Ковер Монголиа Панелистууд: Ц.Дашдорж, Уул уурхайн, Хүнд үйлдвэрийн сайд Г.Батцэнгэл, Гүйцэтгэх захирал, Монголын уул уурхайн корпораци Т.Гантөмөр, Ерөнхийлөгч, Очир Ундраа групп Кэлвин Кoукинэн, Ерөнхий захирал, Вагнер Ази Тоног төхөөрөмж ХХК Т.Наран, Монгол нүүрс ассоциацийн ерөнхийлөгч М.Тулгат, Стратеги хариуцсан захирал, “Хишиг Арвин Индустриал” ХХК

13:00

Үдийн хоолны завсарлага (Шангри-Ла зочид буудлын Кафе парк ресторанд, Ивээн тэтгэгч: Эрдэнэс Тавантолгой ХК)

14:00

Чуулганы 2-р хэсэг: Монгол-Хятадын нүүрсний салбарын бизнес форум

14:00

Сүн Шөүрэн, Ерөнхий нарийн бичгийн дарга, Хятадын Үндэсний Нүүрс Ассоциаци  “Хятадын нүүрсний салбарын хөгжлийн хандлага”

14:30

Д.Бадрал, Байгууллагын Банкны газрын захирал, Голомт банк “Нүүрсний салбар дахь банкны оролцоо”

15:00

 Сара Лю, Дэд ерөнхийлөгч, Фэнвэй Энержи Информэйшн Сервисез компани “БНХАУ-ын коксжих нүүрсний зах зээл, эрэлт, нийлүүлэлт, үнэ, өрсөлдөөн”

15:30

Д.Ариунболд, Гүйцэтгэх захирал, “Эрдэнэс Таван Толгой” ХК “Эрдэнэс Таван Толгой ХК-ийн үйлдвэрлэлийн төлөвлөгөө, хөгжлийн стратеги”

16:00

Цай кофены завсарлага

16:30

Чуулганы 2-р хэсгийн үргэлжлэл: Монгол-Хятадын нүүрсний салбарын бизнес форум

16:30

Зан Ганфен, Ерөнхий нарийн бичгийн дарга бөгөөд гүйцэтгэх дэд захирал, Шангсигийн коксжих нүүрсний аж үйлдвэрийн холбоо “Шангси мужийн баяжуулах үйлдвэрүүд дэхь Монгол нүүрсний эрэлт”

17:00

Эдвин Ёо, ахлах шинжээч, S&P GLOBAL PLATTS  “Хувьсан өөрчлөгдөж буй нүүрсний зах зээл дэх Монголын үүрэг роль ”

17:30

Сэдвийн хэлэлцүүлэг: Модератор: Чан Вай Күэн, Фэнвэй Энержи Информэйшн Сервисез компанийн ТУЗ-ийн орлогч дарга Модератор: Батманлай, Мэдээний дэд захирал, Блүүмберг  Монголиа ТВ Панелистууд: Сүн Шөүрэн, Ерөнхий нарийн бичгийн дарга, Хятадын Үндэсний Нүүрс Ассоциаци Д.Бадрал, Байгууллагын Банкны газрын захирал, Голомт банк Сара Лю, Дэд ерөнхийлөгч, “Фэнвэй Энержи Информэйшн Сервисез” компани Зан Ганфен, Ерөнхий нарийн бичгийн дарга бөгөөд гүйцэтгэх дэд захирал, Шангсигийн коксжих нүүрсний аж үйлдвэрийн холбоо Д.Ариунболд, Гүйцэтгэх захирал, “Эрдэнэс Таван Толгой” ХК Эдвин Ёо, ахлах шинжээч, S&P GLOBAL PLATTS

18:00

Эхний өдрийн чуулганыг хаах




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.