Зураг & Видео


Бидний танил логонуудын сонирхолтой далд утгууд

4 долоо хоног, 1 өдөр TIMES.MN

FedEx


АНУ-ын хүргэлт үйлчилгээний “FDX Corporation” - ийн логог орчин цагийн лого дизайны хөгжилд ахиц авчирсан онцлох логогоор нэрлэдэг. Өнгөний зохицол, илэрхийлэх утгын хувьд төгс гэгддэг логоны гол онцлог нь “Ex” үсгийн хоорондох сум юм. Энэ нь олон улсын буухиа шуудангийн үйлчилгээг нийтэд түргэн шуурхай хүргэж үйлчилнэ гэсэн санааг илэрхийлдэг ажээ.

McDonald’s


“McDonald’s” - ийн сүлжээ рестораны логог нэрнийх нь эхний “М” үсгийн товчлол гэж үздэг боловч энэ нь далд утгаараа эмэгтэй хүний хөхийг илэрхийлдэг гэнэ. Өдгөө дэлхийн 119 оронд үйл ажиллагаагаа явуулдаг компаний логог өөрчлөх саналыг 1960-аад оноос хойш хэлэлцэж байгаа ч дизайны зөвлөх, сэтгэлзүйч Луи Ческин одоогийн логог хэвээр үлдээхийг хүссэн юм. Тэрбээр хөх харсан эрчүүд өлсөж цангахын эрхээр “McDonald’s” - ийн гамбургерийг амтархан зооглог хэмээн ерөөжээ.


Mitsubishi


“Mitsubishi” компани хүргэлт үйлчилгээ, тээврийн байгууллагын чиглэлээр 1800-аад оноос үйл ажиллагаагаа явуулж эхэлсэн бөгөөд хоёр групп нэгдэж дэлхийд тэргүүлэгч корпорацийг байгуулсан түүхтэй. Компаний нэрний “Мицу” нь гурав, гурван харин “биши” нь зангуу, ромбо хэлбэрийг илэрхийлдэг. Олон улсад “Гурван алмаз эрдэнэ” хэмээн танигдсан лого нь байгаль орчинд ээлтэй төмөр хүлгийг нийлүүлдэг итгэл даасан найдвартай байгууллага гэсэн утгатай бол улаан өнгө нь манлайлал, хэрэглэгчдийн анхаарлыг татах зорилготой юм.


Adidas


Спорт хувцасны “Adidas” брэндийг хүн бүр мэднэ. Брэндийн логог 1967 онд зохиосон бөгөөд брэнд нэршлийн хувьд үүсгэн байгуулагч Адольф “Ади” Даслерийн нэрээр нэрлэсэн байдаг. Тэгвэл лого нь чанар хийгээд чамин хээнцэр байдлыг илэрхийлэхийн зэрэгцээ зэрэгцүүлж байрлуулсан гурван судал нь уулыг дүрсэлдэг. Та бид амьдралынхаа турш олон саад бэрхшээлийг давж уулсын оргил өөдөө тэмүүлж амьдардаг. Тэгвэл энэ уулыг тэдгээр саад бэрхшээлээр төлөөлүүлж уулыг үргэлж давж гарахыг, эрч хүчтэй байхыг бэлгэддэг ажээ.


Google


Мэдээллийн технологийн салбартаа тэргүүлэгчдийн нэг “Google” - ийн одоогийн логог дизайнер Рут Кедар 2010 онд зохиожээ. “Google” - ийн өмнөх логонууд нь нэгэн хэвийн, албаны бус чөлөөтэй, тоглоом наадгай маягийн хошин өнгө аястай байсаар ирсэн. Тэгвэл энэ лого нь “Google” хэзээ ч дүрмээрээ тоглодог компани биш гэсэн утгатай ажээ.

Amazon.com


Онлайн худалдааны “Amazon.com” вебсайтын лого нь харахад энгийн боловч гайхалтай далд утгыг шингээсэн юм. Тухайлбал, “A” - “Z” үсгийг холбосон сум нь худалдааны сүлжээ вебсайтад “А” - “Я” хүртэлх хайсан бүх зүйл чинь байгааг илэрхийлэхийн зэрэгцээ “Amazon.com” - оос хайсан бүх зүйлээ худалдан аваад сэтгэл хангалуун инээмсэглэхийг бэлгэдсэн байдаг.


Pepsi


“Pepsi” ундааны одоогийн лого нь 2008 оноос хойш брэндийн онцлох логогоор сонгогдсон юм. Логоны улаан, цагаан ба хөх өнгөний сонголт нь АНУ-ыг илэрхийлдэг гэж үздэг. Түүнээс гадна голын цагаан өнгөтэй хэсгийг хүн бүр инээмсэглэж байг гэсэн санааг илэрхийлдэг ч гэдэг. Логог бүтээхийн тулд компаниас хэдэн зуун сая ам.долларыг зарцуулсан төдийгүй батлахын тулд 27 хуудас танилцуулга, далд утгыг гаргуулж байжээ.



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.