Ууланд алхах, гадаа дасгал хийхийн эрүүл мэндэд үзүүлэх 4 ашиг тус
Цар тахлын дараа манай дэлхий эрс өөрчлөгдөж, хүмүүс тусгаарлагдмал байдалд дасан зохицож эхэлж байна. Гэрээсээ ажиллах нь олон хүний хувьд жишиг болсон бөгөөд олон нийтийн сүлжээ, цахим шуудан, амьдралын 24/7 чимээ шуугиан нь биднийг илүү стресст оруулдаг. Технологиос салж, байгальтай дахин холбогдох нь бидний тархийг маш их цэнэглэдэг. Хэрэв та хотод амьдардаг бол явган аялал нь цэвэр агаарт гарах сайхан боломж юм.
1. ЯСНЫ НЯГТАРШЛЫГ НЭМЭГДҮҮЛНЭ
Явган аялал нь өөрийн жингээр хийх дасгал юм. Энэ нь таны биед ясны нягтралыг бий болгох эсвэл хадгалахад тусалдаг ба нас ахих тусам улам бүр чухал болж ирдэг.
Судалгаанаас харахад ясны нягтрал 40 наснаас хойш жилд нэг хувиар буурдаг. Ууланд алхах нь энэ алдагдлыг удаашруулахад тусалдаг.
Мөн гадаа алхах нь нарны туяанаас Д амин дэмийг шингээх боломж гэж үздэг. Д амин дэм нь ясны эрүүл мэндэд шаардлагатай кальцийг шингээхэд зайлшгүй шаардлагатай байдаг.
2. НОЙРНЫ ЧАНАРЫГ САЙЖРУУЛНА
Байгальд аялал хийх нь нойрны чанарт эерэгээр нөлөөлдөг. Колорадогийн Боулдерийн их сургуулийн судлаач Кеннет Райт амралтын өдрүүдээр явган аялал хийхээс өмнө, хийсний дараа хүмүүсийн нойрны мөчлөгийг хэмжсэн байна. Аяллын үеэр хүмүүс зөвхөн байгалийн гэрэлд (электрон хэрэгсэлгүй) өртөх үед мелатонины түвшин нэмэгдэж, унтлагын цаг нь эрт болон шилжсэн нь ажиглагджээ. Судалгаанаас үзэхэд байгальд ойр байх нь байгалийн мөчлөгт шилжихэд тусалдаг байна.
3. АЗ ЖАРГАЛЫГ НЭМЭГДҮҮЛНЭ
Биеийн тамирын дасгал нь эерэг мэдрэмжийг өдөөдөг, тархины химийн бодис болох эндорфины ялгаралтыг дэмждэг. Гэсэн хэдий ч явган аялал нь ойр орчмын газраар тогтмол алхалт хийхээс ч илүү бидний сэтгэл санааг сайжруулдаг. Стэнфордын их сургуулийн судлаач Грегори Братман 60 хүнийг ойд 50 минут алхах эсвэл засмал зам дагуу алхах даалгавар өгсөн байна. Судалгааны үр дүнд байгальд аялагчид хотод алхагчдаас илүү сэтгэлийн зовнил, бодолд автах нь бага, эерэг сэтгэл хөдлөлийг мэдэрчээ. Аз жаргалын мэдрэмжээ нэмэгдүүлмээр байна уу? Найзтайгаа явган алхаарай. Амьд харилцаа, ялангуяа дотно харилцаатай хүмүүстэйгээ хамт алхах нь аз жаргалтай байхын нэг бүрэлдэхүүн хэсэг юм.
Ясны эрүүл мэндэд нэн шаардлагатай Д амин дэм нь сэтгэл зүйн эрүүл мэндэд мөн чухал үүрэгтэй. Судалгаанаас харахад Д амин дэм болон сэтгэлийн хямралын хооронд хамраалтай тал ажиглагджээ. Д амин дэмийн дутагдалтай хүмүүс сэтгэлийн хямралд орох эрсдэл нь өндөр байсан бол сэтгэл гутралд орсон хүмүүс Д аминдэмийн дутагдалтай байжээ.
Д аминдэмийн дутагдалын шинж тэмдэг:
• Ядаргаа
• Байнга өвдөх
• Яс болон булчингийн шарх, өвдөлт удаан эдгэрэх
• Сэтгэлийн хямрал
Судалгаанд оролцогчид Д амин дэмийн дутагдал арилгах эмчилгээ хийлгэсний дараа сэтгэлийн хямралын шинж тэмдэгүүд мэдэгдэхүйц сайжирчээ.
Мөн Стэнфордын судлаачдын өөр нэгэн судалгаагаар байгальд 90 минут идэвхтэй алхахад тархины урд хэсгийн үйл ажиллагаа нэмэгдсэн бол идэвхгүй болсон үед сэтгэлийн хямрал, түгшүүртэй холбогддог байна.
Яагаад найзуудтайгаа зугаалах хэрэгтэй вэ?
Дасгал хийх нь сэтгэцийн эрүүл мэндэд олон талын ашиг тустайг аль хэдийн мэддэг болсон ч саяхны судалгаагаар дасгал хийхийн тулд ижил хүсэл сонирхолтой хүмүүсийн бүлэгт элсэх нь зорилгодоо хүрэхэд эерэг нөлөө үзүүлдэг болохыг тогтоожээ. Тогтмол байгальд явган аялах нь бидний зүрх, уушиг, булчинг бэхжүүлэхээс гадна оюун ухааныг ч бэхжүүлдэг.
Сэтгэгдэл