Өдөр бүр дор хаяж 8 аяга шингэн ууж байгаарай. Хэрэв та A, C, E амин дэмтэй, антиоксидантаар баялаг хоол хүнс хэрэглэх юм бол арьс тань танд гарцаагүй талархах болно. Ингээд та нартаа усаар байлаг хоол хүнсийг танилцуулъя:

1. ТАРВАС

Тарвас нь усны өндөр агууламжтай жимс (90 гаруй хувь) бөгөөд ликопен, витамин С, бета-каротин зэрэг эрдэс бодис, фитохимийн бодисуудыг агуулдаг ба эдгээр нь арьсны эрүүл мэндийг дэмжиж өгдөг. Улаан лооль, гүзээлзгэнэ, гуава зэрэгтэй харьцуулахад тарвас нь илүү хэмжээний антикосидантыг агуулдаг. Жилийн турш энэхүү жимсийг зууш болгон идэх юм уу бусад орцуудтай нийлүүлэн, амтлаг, сэтгэл сэргээм ундаа хийж болно.

2. ЖҮРЖ

Энэхүү жимс нь чихэрлэг эсвэл исгэлэн гэх мэт янз бүрийн амттай. Тэдгээр нь өөр өөр бүтэцтэй байдаг. Жүржийг өдөрт идэх жимсний сонголтондоо оруулаарай. Тарвас шиг их хэмжээний ус (80-89 хувь), витамин С агуулдаг.

3. ХҮНСНИЙ НОГОО

Хүнсний ногоо нь бидний арьсны эрүүл мэндэд нөлөөлдөг гэдгийг та мэдэх үү? Зарим хүнсний ногоо тэр дундаа бууцай (90-99 хувь), лууван, брокколи (80-89 хувь) зэрэг нь усны өндөр агууламжтай байдаг. Эдгээрийг өдөр тутмын хоолондоо оролцуулахыг хичээгээрэй.

4. ТАРАГ

Тараг нь хоол боловсруулах эрхтний эрүүл мэндийг дэмжихээс гадна шингэний хэрэглээнд нөлөөлдөг талаар бодож байсан уу? Тараг нь өөртөө ойролцоогоор 80-89 хувийн ус агуулдаг. Тиймээс үндсэн хоол, зуушиндаа тогтмол хэрэглэхийг зориорой.

5. ДАРШИЛСАН ӨРГӨСТ ХЭМХ

Даршилсан ногоог ихэвчлэн хоолонд хачир болгон хоолны амтыг нэмэгдүүлэх зорилгоор иддэг. Гэхдээ хоол хүнсний нийт усны агууламжид хувь нэмэр оруулдаг гэдгийг та мэдэх үү? Даршилсан өргөст хэмхний 90 гаруй хувийг ус эзэлдэг.

6. ЖИМС, НОГООНЫ САЛАТ

Үндсэн хоолныхоо өмнө салад идэх шинэ зуршлыг бий болгоорой. Та жимсний салат, ногооны салат эсвэл хоёуланг нь хослуулан хэрэглэсэн ч болно. Хоолны дуршлыг сайжруулахаас гадна шинэхэн жимс, хүнсний ногоо агуулсан салатууд таны шингэний хэрэглээнд хувь нэмэр оруулдаг. Салатанд ихэвчлэн хэрэглэдэг шанцайны 90 гаруй хувийг ус эзэлдэг гээд бод доо.

7. ШӨЛ

Оройн хоолны өмнө нэг аяга бүлээн шөл уух нь хоол боловсруулах тогтолцоог хөнгөвчлөхөд тусалж, үндсэн хоолыг хүлээж авахад бэлддэг. Мөн мэдээж өдөрт уух ёстой 8 аяга шингэний нэг болж чадах юм шүү.

СМҮҮТИ БОЛОН УУРГИЙН КОКТЕЙЛЬ

Формула 1 уургийн коктейль нь шингэний хэрэглээгээ сайжруулахад тохиромжтой хувилбар юм. Та өөрийн сонирхолд тохируулан орц найрлагыг өөрчлөх боломжтой ба тусгайлан бэлтгэсэн нунтаг уураг ч нэмж болно.

Хаврын улиралд туршиж үзэх усаар баялаг 7 хүнс

Сэтгэгдэл