Нийгэм


900 гаруй бөхөнгийн сэг зэмийг устгаж, ариутгал хийгээд байна

6 сар, 2 долоо хоног TIMES.MN

Ховд, Говь-Алтай аймгийн зарим сумдад бөхөн олноор хорогдсон тухай мэдээллээр Ховд аймгийн мал эмнэлэгийн газар хорогдсон бөхөнгөөс дээж авч шинжлүүлэхэд “Бог малын мялзан” өвчин болох нь тогтоогдсон билээ.

Тиймээс холбогдох хууль журмын дагуу төв, орон нутгийн мэргэжлийн байгууллагын мэргэжилтнүүдээс бүрдсэн хоёр ажлын хэсэг Ховд, Говь-Алтай аймгуудад ажиллаж, үхсэн бөхөнгийн сэг зэмийг устгах, ариутгаж, халдваргүйжүүлэх арга хэмжээг авч, судалгаа шинжилгээ хийн ажиллаж байна.

DSC_0623

Тэгвэл өнөөдөр БОАЖЯ, ОБЕГ, МХЕГ, Улсын мал эмнэлэг, ариун цэврийн төв лаборатори, Зэрлэг амьтан хамгаалах нийгэмлэг, Биологийн хүрээлэн зэрэг мэргэжлийн байгууллагуудын холбогдох мэргэжилтнүүд бог малын мялзан өвчнөөр бөхөн өвчилсөн асуудлыг хэрхэн шийдвэрлэж, ямар арга хэмжээ авч хэрэгжүүлж байгаа талаар мэдээлэл хийж, цаашид авч хэрэгжүүлэх арга хэмжээний талаар хэлэлцлээ.

DSC_0632

Одоогийн байдлаар орон нутагт ажиллаж байгаа ажлын хэсгийнхэн 900 гаруй бөхөнгийн сэг зэмийг устгаад байгаа аж. Түүнчлэн мэргэжлийн байгууллагууд өвчнийг тархахаас хэрхэн урьдчилан сэргийлэх, бөхөн өвчилсөн голомтын хилийг нарийвчлан тогтоох, өвчин гарсан бэлчээрт малын шилжилт хөдөлгөөнийг хориглох, хорио цээрийн хяналтыг чангатгах,  малчид үхсэн бөхөнгийн сэг зэмтэй таарвал яаралтай мэдэгдэж байх зэрэг асуудлуудыг тусгасан зөвлөмжүүдийг гаргасан байна.

DSC_0640

Цаашид уг өвчний тархацыг нэмэгдүүлэхгүй байх, хар сүүлт, янгир зэрэг тухайн өвчин тархсан бүс нутагт байгаа салаа туурайтай амьтдад өвчин тархах нөхцлийг хязгаарлах арга хэмжээ авахын тулд олон улсын байгууллагуудаас тусламж дэмжлэг авах, үүний тулд нэгдсэн мэдээллийг бэлтгэн мэдээлэх, шаардагдах хөрөнгө мөнгөний асуудлыг шийдвэрлэх, зэрэг асуудлуудыг нэн тэргүүнд шийдвэрлэх хэрэгтэй байгааг онцоллоо.

DSC_0637

DSC_0654DSC_0639



Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.


Бөхөнгөө дуусгах нь дээ хөөрхий.    6 сар, 2 долоо хоног []


Саяхан бүр зунаар үхсэн баахан бөхөнгийн зургийг телевизээр гаргаад байгаа харагдсан даа. Аль зунаас хойш арга хэмжээ авахгүй юугаа хийсэн аймгийн удирдлагууд вэ? Үхэхийг нь харж зүгээр суусаар хэдэн бөхөнгөө дуусгах юм байна л даа. Ер нь улаан номонд орсон ховор амьтадаас цөөн тоотойг зоопаркад мал эмнэлэгийн хяналтанд үржүүлж байх хэрэгтэй. 70,80-аад оны үед Говь-Алтайн Халиун суманд Говийн их дархан цаазат газрын Биотехникийн станц нэртэй аргаль, янгир, ирвэс, бөхөн, хулан, хавтгай гэх мэт олон төрлийн амьтадыг үржүүлж судалгаа шинжилгээний ажил хийдэг байсан даа. Ийм байдлаар нэн ховордсон амьтадыг устаж үгүй болохоос нь хамгаалсан хэд хэдэн зоопарктай болмоор байгаа юмаа.