Улс төр


ИЗНН 350 залуугаар бүл нэмэв

4 жил, 6 сар TIMES.MN

ИЗНН 350 залуугаар бүл нэмэв Залуучуудын нэгдсэн нам байгуулахаар өнгөрсөн жилээс зохион байгуулалтад орсон залуус хуралдан шинэ нам байгуулах бус шударга, зөв намыг дэмжин ажиллах шийдвэрийг гаргасан талаар бид өмнө нь мэдээлж байсан.

Тэгвэл өнгөрөгч бямба гаригт тэдгээр залуус ИЗНН-д элсэн гишүүний батлахаа гардан авлаа. Тэдгээр залуусын хувьд Монгол Улсад нийт 20 гаруй улс төрийн нам бүртгэлтэй байгаагаас идэвхтэй үйл ажиллагаа явуулдаг 5-6 нам л байдаг. Харин цэвэр, зөв шударга нам хэд байгаа талаар нэлээдгүй судалсны эцэст Иргэний Зориг ногоон намыг сонгосон гэж байлаа. Учир нь өнөөдөр үйл ажиллагаа явуулж буй намуудаас эрүүл нам гэж үзсэн юм байна.

Иргэний Зориг Ногоон Намын зөв, шударга үзлийг дэмжихийн зэрэгцээ тус намын өнөөдөр хэрэгжүүлж байгаа бодлого зохион байгуулалтад үндэслэн улсаа хөгжүүлэх зорилгын дор уг шийдвэрээ гаргасан гэдгээ залуус хэлж байлаа. Ямартаа ч бямба гаригт болсон гишүүн элсүүлэх ёслолын үеэр 900 гаруй залуусийг төлөөлж 350 залуу намын батлахаа гардан авлаа. Энэ үеэр намын бүхий л шатны удирдлагууд ирсэн байсан бөгөөд Иргэний Зориг ногоон намын дарга С.Оюун “Манай залуус ардчиллыг боломж гэж харж байна гэдгээ хэллээ. Миний хувьд ардчиллыг оролцоо гэж хардаг. Боломж оролцоо хоёр бүрдэж чадвал бүх зүйл урагшаа тэмүүлэх боломжтой болох юм.

Өөрсдийн үзэл бодлоор ИЗНН-ыг сонгосон залуустаа баяр хүргэе. Манай нам залуучуудаар эгнээгээ тэлж байгаа нь шинэ эрч хүчээр дүүрэн болж байгаа гэсэн үг. Бүгдээрээ гар нийлэн хамтарч ажиллая” гэлээ. Харин УИХ-ын гишүүн тус намын дарга С.Дэмбэрэл залуучуудад хандан лебирал үзлийн талаар болон өнөөгийн бизнес, эдийн талаар мэдээлэл өгсөн юм. Намын гишүүний батлах гардуулах ёслолын дараа шинэхэн гишүүд дүүргийн намын хорооны дарга нартайгаа чөлөөт ярилцлага өрнүүллээ.




Холбоотой мэдээлэл


АНХААРУУЛГА


Уншигчдын бичсэн сэтгэгдэлд times.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.